太史五蛇羹

太史五蛇羹通常係蛇宴嘅主角，比得上魚翅羹。

太史五蛇羹，係道出名蛇宴嘅粵菜，用蛇做主要嘅材料，加埋雞、鮑魚、木耳、冬菇之類煮成嘅羹。其中嘅五蛇至少有飯鏟頭（書面寫「眼鏡蛇」）、金腳帶、銀腳帶，重有加埋水蛇、錦蛇，或者過山峰。食嗰時加啲菊花絲。

歷史

太史五蛇羹由晚清廣東翰林江孔殷發明。江孔殷花名江蝦，祖先係商人。1904年，喺至後一屆科舉中殿試二甲進士，朝考揀中入庶吉士，入翰林院，所以畀人嗌佢做「江太史」。江孔殷亦做過廣東道台，候補廣東水師提督。辛亥革命之後，江太史退出政壇轉咗從商，佢喺廣州嘅大宅「太史第」成日坐滿食客，太史五蛇羹係佢其中一個傑作。