寶塚歌劇團
出自維基百科，自由嘅百科全書
 |
呢篇文夾雜北方中文，唔合乎粵語嘅用字、句式、文法。 如果你做得到，可以改善下呢篇文。 |
寶塚歌劇團係日本其中一個出名嘅劇團，佢前身係寶塚唱歌隊，喺1913年創立，由版急電鐵創立者小林一三創立，寶塚歌劇團現時嘅總部位於日本兵庫縣寶塚市。成立初期為咗適合男女老幼同樂，到寶塚市一遊同吸引日本市民搭版急電鐵而成立，到1940年改名叫寶塚歌劇團，現時直屬日本版急電鐵，全團演員都係未婚女性，而男角就由女性反串[1]。
目錄 |
[編輯] 收生標準
要入寶塚歌劇團首先一定要考入寶塚音樂學院，寶塚音樂學院前身係寶塚少女歌劇養成會，喺1913年成立，1919年改名為寶塚音樂歌劇學校，1939年再改名為寶塚音樂舞踊學校，直至1946年改名叫寶塚音樂學院，寶塚音樂學院以培訓新團員之用，係入寶塚歌劇團嘅第一步。
寶塚音樂學院係兩年制，入學試喺每年3月尾至4月初搞，每年都有九百幾至一千人應考，收生學額只得50名，所以競爭非常激烈，以82期收生最激烈，人數超出收生學額 48.2 倍。
- 寶塚音樂學院收生標準：
- 收生年齡為15-18歲，儀容端正
- 已完成初中課程或高中畢業
- 要識芭蕾舞，聲樂
- 入學預備證件：
- 願意書，學校成績表，健康證明等
寶塚音樂學院嘅入學試分兩輪，第一輪入學試係面試，考芭蕾舞同聲樂，合格嘅人會派證書再考第二輪入學試，而第二輪入學試同第一輪面試一樣，不過比第一輪難。
[編輯] 內部結構
現時劇團分為五組，分別係花組、月組、雪組、星組同埋宙組，五組都冇咩分別，而五組成立時間都唔同。
1921年花組（代表色：粉紅色）、月組（代表色：黃色）成立，1924年雪組（代表色：綠色）成立，1933年星組（代表色：藍色）成立，1998年宙組（代表色：紫色），成立。
每組都大概有 70-80 名成員，團員都係女性，男角由女性反串，團員都叫做生徙，第一年入團嘅會叫做研 1，第二年會叫做研 2，如此類推。
每個人入團都會被選定做男角定係女角，演男角會叫做男役，演女角嘅就叫做娘役。
每組都有一名組長同埋副組長，而每組都有一位主演角，叫top star，男役娘役各一名，跟住有二番角色、三番角色，成為男役 top star 需時10至12年，娘役 top star 就可能只需2至6年，而當上男役 top star 通常都只做1-5年，而娘役 top star就做3-5年不等，大部分團員最後都會退團，亦有少部分團員調去專科。
專科係一啲老練團員嘅一個組別，專科再細分舞蹈專科、演劇專科、聲樂專科，負責支援各組，有時會做一啲小劇目。
[編輯] 各組生徙嘅主要成員
- 專科：春日野八千代（寶塚歌劇團名譽理事）、松本悠里（寶塚歌劇團理事）、轟悠（寶塚歌劇團理事）
- 花組
- 組長：夏美よう
- 副組長：高翔みず希
- top star：真飛聖、桜乃彩音
- 月組
- 組長：越乃リュウ
- 副組長：花瀬みずか
- top star：瀬奈じゅん
- 雪組
- 組長：飛鳥裕
- 副組長：未来優希
- top star：水夏希、愛原実花
- 星組
- 組長：英真なおき
- 副組長：万里柚美
- top star：柚希礼音、夢咲ねね
（以上資料至2009年6月）
[編輯] 演出場地
現時劇團擁有2個大劇場，1個中小劇場，有時會係其他劇場演出，現時嘅兩個大劇埸分別係位於寶塚市嘅寶塚大劇場同位於東京嘅東京寶塚劇場，而東京寶塚劇場亦係後來演變東寶芸能，而中小劇場亦係位於寶塚市，係寶塚大劇場旁邊，通常都係新人公演先用，除左上述3個劇場外，重有4個指定劇場，分別係名古屋中日劇場，福岡博多座，大阪梅田芸術劇場及東京日本青年館。
[編輯] 公演劇目
寶塚歌劇團有自己嘅作家，公演嘅劇目大約有七至八成由自己創作，亦都有買入百老匯音樂劇或外語音樂劇再自行改編或翻譯，同時都有改篇文學作品，寶塚歌劇團上演劇目時比較有趣，分作兩部分，上半部分為公演劇目，下半部分為show，但有一些大劇目就以結尾20分鐘作show
- 公演過嘅名劇:
| 公演劇目 | 公演年份 |
|---|---|
| 凡爾賽玫瑰（ベルサイユのばら） | 1974年・1975年・1976年・1989年・1990年・1991年・2001年・2005年・2006年 |
| 亂世佳人/飄（風と共に去りぬ） | 1977年・1978年・1984年・1988年・1994年・2001年・2002年・2004年 |
| 伊莉莎白-愛與死的輪舞（エリザベート-愛と死の輪舞） | 1996年兩次・1998年・2002年・2005年・2007年・2009年(演出決定) |
| 西城故事/夢斷城西（ウエスト・サイド物語） | 1968年･1998年･1999年 |
| PHANTOM/歌聲魅影（ファントム） | 2004年・2006年 |
| 源氏物語（源氏物語） | 1952年・1957年・1981年・2000年・2008年 |
| ME AND MY GIRL（ミー・アンド・マイガール） | 1987年.1995年.2008年 |
| 華麗なる千拍子 | 1967年・1999年・2002年 |
| Mayerling（うたかたの恋） | 1983年・1993年・1999年・2000年・2006年 |
![[1]](http://upload.wikimedia.org/wikipedia/commons/4/43/Takarazuka_grand_theater03s3200.jpg){kind=link}