屏東縣係臺灣最南邊嘅縣，面積2775平方公里，人口約莫87萬，下轄1市、3鎮、29鄉。面向南中國海，同菲律賓隔住條巴士海峽，地處熱帶地區，富有熱帶嘅風情，屏東原住民同菲律賓南島語系民族有深厚嘅血緣關係，兩地語言及傳統歌曲亦非常相似。現任民進黨主席蔡英文、現任民進黨祕書長蘇嘉全同埋前民進黨主席蘇貞昌都係屏東客家人。
屏東縣嘅最南端係鵝鑾鼻，亦係臺灣嘅最南端，嗰度有個鵝鑾鼻公園，裏度有個21.4米高嘅鵝鑾鼻燈塔同日治時期豎立嘅「台灣八景鵝鑾鼻」石碑。
