捐山窿公園

  提示：呢篇文講嘅唔係豐物道休憩處。

東望捐山窿公園

捐山窿公園（WE Park）係香港一公園同遊樂場，喺西營盤豐物道，香港島西北岸，維多利亞港海皮，就近西區海底隧道天橋馬路出入，亦近西區副食品批發市場，就喺豐物道停車場側跟，西面同中西區海濱長廊相連。佢沿海東行，可去到中山紀念公園。2019年8月25號開張，現已圍封清拆。

另一官名，字寫做豐物道海濱休憩用地（Fung Mat Road Waterfront Open Space）。皆因佢近豐物道而名。

園中有石屎渠做成兒童遊樂場，畀細蚊捐來捐去，故名捐山窿。舊時公共屋邨兒童遊樂場常見。實質亦參考自二十世紀七十年代石籬邨，有類似遊樂建設。而設計者皆係香港學生同後生設計師。另外亦有貨櫃做屋，用來展覧同遊樂，一共四個 。

另外有草地供遊樂。海邊又有行人路，又兼做緩跑徑。園內可以放狗。

交通

就近豐物道，除咗市區的士，並無公共交通來往。至近由豐物道行到水街，喺干諾道西搵車搭。又或再行遠啲，去到德輔道西。

至近地鐵站係西營盤站，不過要兜大圈，先至去搭得到。