新塘鎮係廣東增城管嘅一個鎮，喺增城南部，面積251.51平方公里，分16個社區71個村。總人口七十幾萬，其中戶籍人口二十一萬，外來人口五十萬[1]。
2011年6月10號晚九點幾，據講有新塘治安隊隊員打一個擺地攤嘅大肚婆，後來演變成暴動。第二日（6月11號），衝突進一步升級，廣州重調咗好多防暴警察同埋一架裝甲車去新塘戒備[2]。到咗第三日（6月12號）晚，參加加暴動嘅市民喺107國道新塘路段燒咗約莫十架車，其中有私家車同埋警車。喺6月13號凌晨十二點沓三左右，30架軍車陸續駛入新塘維持秩序。到咗深夜，當局宣布實施宵禁，成個鎮進入咗軍事狀態[3]。
