王林 (氣功師)
| 王林 | |
|---|---|
 | |
| 出世 | 1952年5月6號 中國江西萍鄉蘆溪縣 |
| 死 | 2017年2月10號（64歲） 中國江西南昌 |
| 屋企 |  香港 |
| 民族 | 漢族 |
| 公民權 | 香港 |
| 職業 | 氣功師 |
| 出名原因 | 氣功師 |
| 刑事指控 | 非法行醫、受賄、重婚、賭博、偷稅、非法持有槍支同埋詐騙[1] |
王林（粵拼：wong4 lam4；簡化字：王林，1952年5月6號—2017年2月10號）係氣功師，江西萍鄉蘆溪縣人，喺1990年代通過修煉氣功而出名，後逐漸同好多個官員、明星、企業家交往而擴大自己嘅影響力；2013年7月俾《新京報》揭發之後而引發關注。
佢自己話用氣功能做到空盆來蛇[註 1]，輕功懸空拎水走，空杯送酒，紙灰還原術，凌空題辭嘅絕技，同埋為外國首腦高官醫病嘅特異功能。媒體整咗王林同包括劉志軍、李雙江、馬雲、趙薇、成龍、王祖賢、利智、曾蔭權、何鴻燊、田其琛、李瑞環、賈慶林、李冰冰、李湘、王菲、李亞鵬、周迅、王袓賢、費翔、劉大印、蔣大為、劉曉慶、朱軍、李連杰、童非、陳坤、葛軍在內等好多明星、官員、企業家嘅合影令佢喺網上出嗮名，重話成萍鄉首富[2]。
時代背景
[編輯]1990年代，中國大陸曾經刮過埐『氣功潮』，當時飆出咗批『氣功大師』，王林就係其中一位。
生平
[編輯]早年
[編輯]王林話7歲離鄉別井，去到峨嵋山拜道士學藝。學完藝返嚟上山下鄉，由於嗰時屬文革，佢因為破壞農業而學大寨，令佢一度被收監。服刑期間為咗救兩個唔應該判死嘅殺人犯，期間逃獄一次又被捉返嚟加重刑罰，直到文革結束後出獄為止。王林出獄後喺深圳開公司，重攞埋香港身份後返到家鄉。但係同佢一齊坐鑒啲獄友話王林喺監獄入面，因為成日講大話而俾獄警打到面青口唇白；甚至冇嗰樣講嗰樣，講到天花龍鳳噉[3]。
出名
[編輯]2013年7月22號，新京報發表咗文章——《隱秘『大師』王林嘅金錢王國》。氣功『大師』王林而開始俾人炒到㷫嗮。網友猛咁解開王林所謂嘅「特異功能」秘密，但屬初級魔術。王林亦改口話空杯變酒等舉動係『傳統戲法』，唔再話做『氣功』 [4]。
過身
[編輯]2016年11月11號，撫州市人民檢察院以被告人王林犯非法拘留罪、詐騙罪、非法持有槍支罪、行賄罪向撫州市中級人民法院提出公訴而追究佢嘅刑事責任。但審理半佬因王林患有嚴重疾病而冇辦法出庭，撫州市中級人民法院喺2017年1月10號決定對王林單嘢押後再訊，同日亦俾南昌中寰醫院開咗份病危通知書。2日後，法院裁定雖然對王林停止審理，但對其它被告人繼續審。
2017年2月10號，佢因為患ANCA相關性血管炎同自身免疫性周围神經炎而出現多器官功能衰竭，雖然醫院盡力搶救但最後證實不治，終年65歲。事發後，撫州市中級人民法院將對王林同佢違法所得同涉案財產等相關事項依法做裁決[5]。
質疑
[編輯]用詞錯誤
[編輯]王林同一班友嘅合影入面，有張同印尼前總統——蘇哈托差唔多樣嘅人合影。實際係1994年，王林好熟練地背出蘇哈托寫畀佢嘅題詞——「感謝上帝喚嚟咗大師，醫好咗我同夫人嘅病，願上帝賜福畀大師。」，但用詞錯咗。因為印尼係個伊斯蘭教國家，信嘅係『真主』（阿拉），『上帝』係基督教用語，身為穆斯林嘅印尼總統冇可能用基督教用語送畀王林做題詞。
「保佑」高官
[編輯]王林曾經應承過幫劉志軍整座靠山石，經佢發功嘅靠山石可以「保你一世唔會衰」。雖然2013年7月俾北京法院判劉志軍因為搞邪教而執行死刑，緩期兩年執行兼沒收個人冚唪唥財產。
原江西省政協副主席、省委統戰部部長宋晨光曾經請過王林做高級顧問。宜春錦繡山莊有位前負責人透露，宋晨光遇官場事務甚至上卸任好多時同王林交流，甚至靠王林睇相做依據。重好多次話若果王大師到咗山莊，必須以最高規格接待。後嚟山東法院喺2012年4月判咗宋晨光犯受賄罪而判咗死刑，緩期兩年執行，重沒收個人冚唪唥財產。
恐嚇
[編輯]恐嚇媒體
[編輯]2013年7月22號，由於《新京報》發咗份《隱秘「大師」王林嘅金錢王國》嘅文章，王林打電話畀嗰間報紙嘅記者，鬧佢係咪三唔識七。記者解釋係純屬客觀報導，冇同其它人做陰濕嘢。王林即刻話：「我話畀你知：你都有今日喇，你哋等住冚家剷啦！」。
恐嚇質疑者
[編輯]因著名學者司馬南對王林提出咗質疑，王林喺接受媒體採訪時話：「司馬南你未死過啊？同我鬥？我用氣功隔幾阿米都可以攞你條命！」司馬南就公開話：「佢簡直忠氣十足，好似食錯藥噉。」[6]，重表態話：「王林先生，如果您想嚟同我鬥，我喺北京等住你嚟撲街。唔嚟嘅話，唔排除我同媒體記者一齊到江西萍鄉嘅王府大門口，接受您所謂啲『氣功』！！」。
評價
[編輯]司馬南話王林嘅表演純屬做騷，但係唔可以否認王林好多時分析普通人嘅心理，尤其喺名人打交道同接觸時，留低咗各種名人嘅合影。佢亦唔似有啲氣功師一樣辦班直接收錢，而係掙有錢佬啲錢。有米後介入當地其一非法集資放貴利，重用官場腐敗嚟直接牟利，但係亦利用做慈善嘅方式進一步擴大自己嘅知名度。呢種行為實際係打住「慈善」個名做廣告宣傳[7]。
註同攷
[編輯]- 註
- ↑ 據王林解釋，係佢靈魂出竅以極快嘅速度去捉蛇返嚟。
- 攷
- ↑ 〈王林 涉嫌七宗罪"大师"彻底栽了〉。原著喺2016年3月4號歸檔。喺2017年2月17號搵到。
- ↑ 〈中國「氣功大師」引發輿論熱議〉。《亞太日報》。2013-07-25。原著喺2013-07-28歸檔。喺2013-08-06搵到。
- ↑ 〈"气功师"王林：曾提出要保刘志军"一辈子不倒"〉。《新京报》。鳳凰網。2013-07-22。原著喺2013-07-27歸檔。喺2013-08-06搵到。
- ↑ 魔术师邓男子再破王林“特异功能”，重现《空杯变酒》。 优酷
- ↑ 〈"气功大师"王林因病死亡〉。《鳳凰網》。东方头条。2017-02-10。原著喺2020-03-28歸檔。喺2017-02-10搵到。
- ↑ 【司马南回应“气功大师”王林骗子：隔空戳死我试试】 优酷
- ↑ 〈司马南：王林会成为笑料 法律能否追究难说〉。《时代周报》。鳳凰網。2013-07-25。