省港大罷工係場罷工。發生喺省港兩地。省卽係廣州，而港卽係香港。當時中華民國廣州政府，實行聯俄容共。以蘇俄方式，抵制英國治下嘅香港。大罷工維持一年有多，由一九二五年六月，到一九二六年十月。當時香港港口停工，廣州等地，組織罷工，禁人前去香港開工。有近十萬工人由中國國民黨、中國共產黨支持下，停工停業，封鎖香港交通運輸，對付香港政府。一九二六年三月廣州政變後，共產黨活動受抑制，罷工亦日趨平息。
