神道

出自維基百科,自由嘅百科全書
跳去: 定向搵嘢

神道,係日本民族嘅傳統宗教。公元前3-4世紀喺日本產生,屬於一種天地萬物有靈嘅自然崇拜宗教

教名[編輯]

神道呢個名,係嚟自中國周易》觀卦《彖》傳[1]:「觀天之神道,而四時不忒。聖人以神道設教,而天下服矣。」呢度講嘅,即係指一啲自然界嘅法則,聖人用呢啲法則去設立制度,教人信神,因為神會賞善罰惡[2]。後來神道又廣泛解釋成「神明之道」或者「神靈之道」。

簡史[編輯]

內文: 神道教史

神道教基本上分幾個發展階段,公元前3-4世紀,日本石器過渡到鐵器時代時,屬於原始神道教。到咗飛鳥奈良時代,即大約6世紀佛教中國傳入日本,由於太受歡迎,令傳統神道教要依附佛教發展,受佛教影響,神道教開始有神舍神宮,同時又開始有神像平安時代,即9-13世紀,出咗一樣「本地垂跡」學說,話日本所有神靈都係菩薩化身,根據呢個觀念一路到鎌倉時代,就發展出天台宗山王神道真言宗兩部神道出嚟,佢哋將日本最大嘅神靈,都當係嘅化身。呢套理論去到14-15世紀,受中國儒家道家文化影響,又發展出伊勢神道吉田神道

之後,又受到中國新儒學影響,神道教加入新儒學入面,「理」同「氣」嘅宇宙觀,同時又加入君臣之道,即係忠、孝、禮、義、廉、恥呢啲嘢,例如吉川神道垂加神道就係咁嚟。

到17-19世紀明冶維新時期,有人認為神道唔應該有太多佛教儒家嘅嘢,開始提倡復古神道,宣稱天皇係繼承天照大神神傳,唔單止統治日本,仲應該統治全世界。基於呢種主張,發展出一種沙文主義思想,推行神道國教,強行規定話神道唔係宗教,而係國家宗祀,用行政命令逼所有人信神道,同時參拜神舍作為國民義務。直至1945年日本戰敗之後,先結束神道教嘅國教地位。之後組成民間團體「神社本廳」。

神社神道[編輯]

教派神道[編輯]

參考[編輯]

  1. 《當代神道教》序
  2. “神道設教”的人文歸旨與當代道教教義的建構