英國海外屬土公民護照

英國海外屬土公民護照（British Overseas Territories Citizen Passport）係英國政府簽發畀佢啲殖民地屬土居民嘅護照。

1981年英國國籍法

根據1981年英國國籍法嘅規定，英國同其殖民地公民（英國國民）就分咗三類：

• 英國公民（British citizens）

佢哋有英國本土（包括海峽群島同萌島等）居留權同有關嘅英國國民。

• 英國屬土公民（British Dependent Territories citizens）

佢哋英國嘅殖民地居留權同有關嘅英國國民。

• 英國海外公民（British Overseas citizens）

其他嘅英國國民。

以上人士之外重有其他英國國籍。好似晌1983年前已經出咗嘅非英國同埋其殖民地公民，例如英籍人士（British Subject）同受英國保護人士（British protected person），重有1985年後先有嘅英國國民（海外）身份。

2002年英國海外屬土法

喺2002年2月26號起，英國屬土公民身份就轉咗名做英國海外屬土公民身份（British Overseas Territories citizenship）。另外，跟據呢條例，除咗塞浦路斯英屬基地區嘅英國海外屬土公民之外，大部份英國海外屬土公民都可以用呢條例嘅第 4A 或第 5 章攞到英國公民身份。

英國屬土公民護照與香港

香港喺英國管治嗰時，英國政府畀過香港居民簽發英國屬土公民護照。當時英國屬土公民護照持有人係冇英國居留權。1984年，中英簽咗聯合聲明，話咗響1997年7月1號後英國唔再管治香港，英國屬土公民護照又冇效。港英政府就響1985年10月17號宣佈，英國屬土公民護照會喺香港主權移交後冇效，為咗解決旅遊證件問題，港英政府就畀合資格嘅香港居民簽發英國國民(海外)護照做旅遊證件。