雲佩斯

尹佩斯

雲佩斯（Robin van Persie，1983年8月6號—）係荷蘭足球員，打前鋒。

佢響飛燕諾出身，出名係壞孩子，但入球率好高，以荷蘭甲組足球聯賽2003-04年球季為例，佢響飛燕諾28場聯賽當中，就入咗9球。2004年阿仙奴喺飛燕諾買入重係壞孩子嘅佢。當時佢重被扯入一單強姦案（無耐告唔入），但佢喺呢次轉會之後性格大變，現時品性隨和，而且入球效率高，係阿仙奴嘅正選前鋒之一。之不過佢無論響球會定抑或國家隊，佢暫時都未攞到咩代表性獎項。好似佢響荷蘭國家隊，2006年世界盃同兩年之後嘅歐洲國家盃，佢都只係打咗第二圈。

雲佩斯本身可以打中前場幾個位置，包括咗前鋒、左翼、右翼等等，盤扭本事之餘，速度亦都好高。不過佢太依賴左腳，即使打右面佢都係用左腳射波，所以佢亦都射過一啲難度好高嘅入波。