強姦
出自維基百科，自由嘅百科全書
強姦、老強、強暴、或者強制性交，指嘅即係喺對方唔同意嘅時候，或者冇理對方同唔同意嘅﹙通常係利用暴力或者武力手段強迫威脅﹚，夾硬同對方性交。
由於生理上嘅特點同埋通常男性都比女性大隻，而且有能力夾硬同女方性交，所以好多時意義上嘅強姦都係指男方喺未得人許可嘅情况下強行同女方性交。廣義上，無論係男定係女，只要係一方夾硬迫第二個同佢發生性關係嘅行爲，都算係強姦。由於個個國家嘅風俗文化都唔同，有啲國家認為，滿足到「強行發生性行為」呢個定義，就可以當做犯咗強姦；而有啲國家就只係當男方強行同女方性交呢一種行為先至叫做強姦。
强姦就係一種性暴力行為，受害者嘅身體同埋尊嚴都受傷害。一啲犯強姦嘅人亦都可能帶有性虐待嘅性取向。而輪姦(俗稱輪大米)就係指好多人同時唔理受害者意願而強迫同一個人輪流性交，有啲時候係好多個男人輪流強姦同一個女人。
強姦與戰爭 [編輯]
 |
呢篇文要清理或重寫，以符合更高嘅質量標準。 如果你做得到，可以改善下呢篇文。 |
打仗時，強姦亦都被用來做「武器」。抗日戰爭嘅時候，日軍強姦咗幾萬個中國婦女。歷史學家安東尼·比弗喺佢本書《柏林在1945年陷落》入面寫過，前蘇聯紅軍嘅士兵曾經喺二次大戰之後佔領咗東歐地區，而且強姦咗二百萬個德國婦女同幾千個前蘇聯婦女。
睇埋 [編輯]
