《靚得起》（英文：Beauty Reborn）係香港電視廣播有限公司嘅真人騷節目，由陸浩明、陳敏之、阮兆祥、江欣燕、袁文傑、莊鍶敏、何依婷做主持，喺2022年8月7號到8月28號香港時間逢禮拜日22:00到22:30喺翡翠台播。節目招募咗一班參賽者，編入「減肥」、「去斑」、「豐胸」、「去眼袋」、「逆齡」、「爆髮」六個組別，進行兩個月「醫學美容療程」，睇下邊個效果最好。節目概念同ViuTV真人騷《造美人》有少少似，但呢個節目主要集中喺「醫學美容療程」嘅元素。
