韓國燒烤

出自維基百科,自由嘅百科全書
跳去: 定向搵嘢
韓國燒烤

韓國燒烤韓語불고기。「불」係火嘅意思,「고기」係肉嘅意思,即係「燒肉」)係源自蒙古嘅燒肉料理,據講古時蒙古士兵出外征戰,行裝輕便無乜點帶煮食工具,就用金屬做嘅盾牌或頭盔燒熟肉類,所以韓國料理所使用嘅銅盤形狀,會同盾牌嘅形狀有啲相似地方。另一稱呼係貊炙,係高句麗固有嘅文化。

家陣就逐漸成為咗朝鮮族宴客嘅料理,通常喺食銅板燒肉時,食材多以醃漬嘅肉類同海鮮為主,同銅板周圍淺底凹陷累積醬料同蔬菜流出嘅湯汁一齊燒嚟食。而肉類又以牛肉為主,重有,牛骨脊、牛扒、牛脷、牛腰、同埋有海鮮魚生等都係韓國燒烤嘅美食,特別係燒牛骨脊同燒牛扒最出名,佢嘅肉質鮮美爽嫩。

喺銅板上面燒嘅肉類一定要切得夠薄,咁樣醃漬醬料先可滲入肉片,只需要就咁燒下就可以食得,如果肉片較厚,會少咗應有嘅入味,同埋失去咗銅板燒肉即燒即食嘅樂趣。另外,韓人習慣會夾埋小菜一齊食,其中又多數係各式醃漬泡菜。