香港國際仲裁中心
香港國際仲裁中心（Hong Kong International Arbitration Centre）係香港一個機構，負責仲裁、調解、審裁同域名爭議解決。
歷史[編輯]
香港國際仲裁中心喺1985年成立，由香港商界領軍人物同專業人士建立，目的係滿足亞太地區解決仲裁服務日益增長嘅需求。成立初期，香港國際仲裁中心得益於香港商界同香港政府嘅慷慨襄助；今日，仲裁中心已經達到喺財政上自給自足，從而能夠達到司法上嘅獨立地位，超然於任何其他機構同人士嘅影響同控制。
架構[編輯]
香港國際仲裁中心係一間非牟利有限擔保公司，由理事會管理。理事會成員來自世界各地，而且都係經驗技能豐富嘅商界人士同專業經營。香港國際仲裁中心設有一個國際諮詢委員會，為香港國際仲裁中心嘅政策同未來發展事宜不斷提供意見。
執行委員會是根據理事會批准嘅政策指引香港國際仲裁中心活動嘅核心機構，其下有設三個常設委員會，包括程序委員會、委任委員會、財政委員會。呢啲委員會處理有關香港國際仲裁中心嘅業務運作，同埋根據仲裁規則，並根據香港仲裁條例（第609章）委任嘅權力角色委託香港國際仲裁中心嘅職能問題。
香港國際仲裁中心秘書處，由秘書長領導，管理仲裁中心嘅各種日常事務包括仲裁同其他爭端解決程序。