香港大酒店

出自維基百科,自由嘅百科全書
跳去: 定向搵嘢
殯儀館請睇香港殯儀館
香港大酒店向海一面,時爲一九零零年左近

香港大酒店Hong Kong Hotel)係香港酒店,經已拆咗,位置喺舊時中環大鐘樓附近,必打街皇后大道交界,家下告羅士打大廈中建大廈笪地。

[編輯]

一八六六年,香港大酒店公司成立,由當時富商組成。公司買咗東方酒店(Oriental Hotel)同Keying and Marina House 。酒店一八六八年啟用[1]。佢個位就喺家下中建大廈。樓高四層,大鐘樓就喺側邊。

因爲顛地洋行執笠,一八八六年,買咗必打碼頭笪地。一八九二年北翼落成,樓高六層,地伸至域多利海口,當時係域多利城中至高屋宇。直至一九零零年填海,先至變爲內陸。當時《香港雜記》有講「酒店以香港大酒店爲巨擘、其深處由皇后大道、通至海旁。樓設六層、內有餐房及波樓、往房多至百餘間、高矗青雲。登樓者、不異置身雲漢、亦且華麗異常。」

一九二六年二月十三號正月初一,正值新年,香港大酒店火燭,北翼燒咗。北翼笪地賣咗畀置地。一九五二年,酒店結業。

九龍尖沙嘴半島酒店,同舊時山頂酒店,都屬於同一間公司香港上海大酒店

[編輯]