2009年人類豬流感疫情

2009年人類豬流感疫情（世衛稱為甲型H1N1流感，香港官方名係人類豬流感）係一次由流感病毒新型變體甲型H1N1流感所引發嘅全球性流行病疫情。2009年3月底，流感喺墨西哥同埋美國加利福尼亞州、德薩斯州爆發，懷疑超過4千人染病，並可能導致100幾人死亡，後來更有不斷蔓延趨勢。2009年5月底，流感喺墨西哥死亡率達2%，但喺墨西哥以外死亡率僅0.1%。2009年7月初，全球感染人數達90,000幾人，雖然墨西哥嘅死亡率降至1%，但其他國家嘅死亡率就升到0.4%。

由於未能為所有個案作檢測，所以世界衛生組織將所有病例統稱為疑似流感疾病。而呢啲病例都有嚴重嘅疑似流感病徵，甚至肺炎病徵，譬如墨西哥嘅病例更導致死亡。呢個新變種甲型流感病毒基因包括人類流感病毒、豬流感同禽流感。4月底，世界衛生組織同美國疾病控制與預防中心對於新變種，疑似人傳人嘅風險同喺墨西哥嘅高致命性都話非常關注。4月25號，世衛總幹事陳馮富珍宣布將呢次疫情定位為「國際關注嘅突發公共衛生事件」，原因係對於病例中嘅臨床、流行病學同埋病毒學報告缺乏認識。

各國疫情同反應

內文： 2009年甲型H1N1流感疫潮各國疫情及反應

甲型H1N1流感除咗響墨西哥、美國、加拿大境內廣泛傳播之外，至少100個國家或地區出現咗確診個案。多個國家建議國民避免前往疫情嚴重嘅地區。包括澳洲、中國大陸、香港、冰島、印度、印尼、馬來西亞、菲律賓、新加坡、台灣、南韓以及泰國等多方都啟動機制檢查嚟自疫區，有呼吸道感染癥狀嘅旅客。多個國家亦發出警告呼籲來自疫區嘅旅客如有呼吸道感染癥狀需立即求醫。

另外，雖然冇證據顯示病毒可經由豬肉傳播，另外甲型流感於高溫下並唔可以生存。部分國家仍然禁止嚟自疫區嘅豬肉製品進口以防病毒傳播。除此之外，埃及更宣佈即時撲殺全國二十五萬嘅豬隻。該國咁做被國際組織指唔符合科學邏輯，^{[需要參考資料]}。

墨西哥全國所有學校、大學同埋公眾活動由2009年4月24號至到5月6號關閉或停止。

由4月27號起，美國部分學校因校內發現確診個案而關閉。

5月18號起，日本大阪府同兵庫縣境內超過四千間學校、幼稚園同埋托兒所停課一週。 Template:H1N1 map

病徵

呢次甲型H1N1流感嘅主要病徵有：發燒（高於攝氏37.8度）、肌肉疼痛、咳、喉嚨痛、鼻塞，甚至嘔吐同埋好似痢疾嘅病徵。