ラ行變格活用

ラ行變格活用（日文：ラ行変格活用ラぎょうへんかくかつよう^{(Rakyōhenkakukatsuyō)}）係日文古文文法中動字活用嘅一種，講嘅係活用詞尾以五十音圖嘅ラ行（ra、ri、ru、re、ro）音為基礎發生唔規則嘅變化，簡稱為「ラ変」。有呢一種活用嘅詞淨係得「有り」「居（を）り」「侍（はべ）り」「いまそかり（いますがり）」呢四個詞啫。

另外，「あり」呢個詞表示存在，而且同其他詞連接時有起到系詞嘅作用，因此形容詞嘅カリ活用同埋形容動詞嘅「けり・たり・なり・り・めり」呢類助動詞本質上係同ラ変相同。

ラ行變格活用嘅例子

有り

• 未然形-ら
• 連用形-り
• 終止形-り
• 連體形-る
• 已然形-れ
• 命令形-れ

同ラ行四段活用相比，ラ行變格活用嘅唔同在於其終止形屬於イ段（元音係i）。

ラ行變格活用動詞嘅活用

基本形	活用形
	詞幹	未然形	連用形	終止形	連體形	已然形	命令形
有（あ）り	有	ら	り	り	る	れ	れ
居（を）り	居	ら	り	り	る	れ	れ

現代文中嘅ラ行特別活用動詞

「ござる」「為さる（なさる）」「下さる（くださる）」「いらっしゃる」「おっしゃる」呢五個詞後邊跟住「[[敬語|ます]]」嘅時候，連用形變成「～い」呢一點同通常五段活用動詞唔同。此外、除「ござる」以外嘅四個詞命令形全數變做「～い」。因此呢五個詞有時被稱為現代文嘅ラ行特別活用動詞。雖然「御座る（ござる）」嚟自「ござ」＋「あり」，「おっしゃる」嚟自「仰せ」＋「あり」，但係相對於古文嘅ラ行変格活用當中終止形同連用形同形嘅特徵，ラ行特別活用嘅特徴係連用形同命令形同形。呢一點表明呢啲詞並非古文嘅ラ行変格活用。