㚻色 (書)

《㚻色：性別歧視問題
Gay Male Pornography: An Issue of Sex Discrimination》

作者	克里斯托弗·N·肯德爾
語言	英文
出版	英屬哥倫比亞大學出版社
出版地	加拿大
出版時間	2004年
媒體類型	打印
頁數	270頁
ISBN	978-0-7748-1076-0

《㚻色：性別歧視問題》（英文：Gay Male Pornography: An Issue of Sex Discrimination）係由加拿大反色情女性主義作家克里斯托弗·N·肯德爾（英文：Christopher N. Kendall）喺2004年出版嘅一本書。

背景

2000年，加拿大發生嘅小姊妹書店同藝術中心控訴加拿大政府案係對R. v. Butler係埋適用於男女同性戀鹹濕嘢嘅首次檢驗。法院認為，男女同性戀鹹濕嘢確實構成性別歧視。

論點

克里斯托弗·N·肯德爾支持加拿大最高法院喺小姊妹書店同藝術中心控訴加拿大政府案嘅判決入面嘅結論。肯德爾認為，㚻色作品加深咗社會對於性同埋性取向嘅刻板印象，造成咗社會系統性嘅唔平等。佢駁斥咗鹹濕作品支持者嘅觀點，並聲稱㚻色作品加強咗好多人對女性嘅憎厭同對同性戀者嘅恐懼。肯德爾認為，根據加拿大反色情法律，政府就應該禁止㚻色作品。

評論

• 威廉·D·阿拉扎（英文：William D. Araiza）為《情慾史期刊》（英文：Journal of the History of Sexuality）撰稿時講到，雖然呢本書嘅作者提出咗睇落好似強有力嘅論點，但肯德爾「誇大咗佢嘅觀點」。特別係，佢低估咗㚻色作品喺顛覆由男性主導嘅社會架構同男性刻板觀念方面所發揮嘅作用。

• 米歇爾·埃文斯（英文：Michelle Evans）話，毫無疑問，呢本書將被評為本世紀最重要嘅㚻色研究報告著作之一。對於亂倫同性侵犯嘅受害者來講，呢本書都非常重要，因為佢哋嘅聲音一直受到嗰啲鹹濕嘢愛好者同鹹濕行業嘅相關從業人員嘅指責同壓制。佢為所有關心唔平等同歧視嘅人帶來咗希望，並為基佬更大程度咁致力於反對性別歧視同同性戀恐懼症嘅女權主義鬥爭鋪平咗急需嘅道路。