一個中國即係話「呢個世界只係得一個中國」，不過控制住中國大陸嘅中華人民共和國政府同控制住台灣嘅中華民國政府雙方都有唔同解釋，亦即係一中各表。中華人民共和國話「一個中國即係中華人民共和國」；中華民國就話「一個中國即係中華民國」。但係其他國家因為多數都同中華人民共和國建交，所以多數認同「一個中國即係中華人民共和國」，佢哋口中「支持一個中國原則」，意思其實即係只承認中華人民共和國。另外，中華民國自從民進黨執政後，開始放棄「一個中國即係中華民國」嘅原則，認為「台灣」同「中國」係兩個唔同國家，亦即係一邊一國。
