一帶一路喺斯里蘭卡嘅情況

出自維基百科,自由嘅百科全書

中國提倡一帶一路項目,倡議同唔少發展中國家合作,不過喺斯里蘭卡,一帶一路引起咗唔少爭議,當中包括南部深水港漢班托塔嘅租約問題。有評論就認為,包括斯里蘭卡在內,中國利用一帶一路倡議導致唔少國家陷入中國債務陷阱,當地政府還唔到錢就要將土地或港口租借畀中國[1][2]

背景[編輯]

2005年當選斯里蘭卡總統嘅馬欣達·拉賈帕克薩,因為斯里蘭卡同泰米爾分離份子長達26年嘅內戰,被國際社會視為人權侵犯者而且被孤立。佢上任後,斯里蘭卡亦嚴重依賴中國嘅經濟支持同軍事設備[2]

之後,佢曾經提出喺漢班托塔興建一個大型港口,但係唔同嘅可行性研究都表明呢個建議唔可行,而一啲政府邀請過嘅印度企業,亦都拒絕投資。不過,拉賈帕克薩之後就搵到來自於中國政府的進出口銀行,數額為3.07億美元嘅貸款,另外條件係搵承建商嘅過程唔可以公開招標,而係要接受北京指定嘅中國港灣公司作為港口承建方[2]

2015年選舉後[編輯]

2015年斯里蘭卡總統選舉,當時馬欣達·拉賈帕克薩角逐連任,中國港口建設嘅大筆資金直接流向咗去拉賈帕克薩嘅競選活動,喺中國削弱印度位於南亞影響力嘅行動中,佢被視為一個重要盟友。中國嘅大使甚至干預選舉,直接對當地選民進行遊說,叫佢哋支持拉賈帕克薩。另一方面,當時嘅反對派亦都喺競選活動中大肆宣傳對中國嘅懷疑[2]

後嚟佢連任失敗落台,但係拉賈帕克薩落台嘅時候,國家債務已經達到448億美元[2]

新政府未能夠償還應付嘅債務,最後新政府2017年同中國談判,交出咗港口同埋港口周圍15000英畝嘅土地俾招商局港口公司[3],租期99年。招商局港口公司亦擁有對董事會成員任命同經營嘅決策權。呢次轉讓,令中國得以控制一個距離印度海岸僅幾百英里嘅一片區域,同埋重要嘅商業軍事航道沿線戰略立足點[2]

現況[編輯]

漢班托塔嘅港口租約,後嚟再被延長多99年,即係去到198年[1]。另外,中國港灣喺斯里蘭卡亦興建咗一個名為可倫坡港口城嘅碼頭,呢份協議一亦包括附近大約50英畝土地,由中國港灣單獨所有,斯里蘭卡對佢無主權。甚至,喺日本首相安倍晉三訪問可倫坡嘅同一天,中國有多艘潛艇喺呢個港口停泊[2]

去到2019年,當時嘅總統拉賈帕克薩嘅新政府就曾經表示以國家利益為由,希望將港漢班托塔嘅協議案撤銷,並且按最初同意其方式,喺適當時候還錢[3]。但係去到2021年,拉賈帕克薩再度掌權後,中共再向斯里蘭卡借出多5億嘅貸款,結果引發當地市民不滿,亦被斯里蘭卡佛牙寺住持出面指控政府,任由國土淪為「中共殖民地」,同埋向最高法院提出陳情[4]

另外,受到影響漢班托塔港口債務事件嘅影響,有唔少國家擔心都中國 「一帶一路」戰略會誘使窮國陷入債務陷阱。菲律賓等國亦因此出現排斥「一帶一路」倡議嘅聲音[3]。西方國家亦不時譴責,話一帶一路係中共擴大全球影響力嘅「債務陷阱外交」手段[4]

參考[編輯]

  1. 1.0 1.1 Abi-Habib, Maria (2018-06-26). . The New York Times (繁體中文). ISSN 0362-4331. 喺2021-05-24搵到.
  2. 2.0 2.1 2.2 2.3 2.4 2.5 2.6 自由時報電子報 (2021-02-25). 帶一路債務陷阱 斯里蘭卡深水港租給中國198年 要不回 - 自由財經. . 喺2021-05-24搵到.
  3. 3.0 3.1 3.2 動一帶一路 斯里蘭卡要索回租借給中國99年的深水港 | 國際. 頭殼 Newtalk (中文). 2019-11-29. 喺2021-05-24搵到.
  4. 4.0 4.1 帶一路務陷阱里蘭卡再貸140億元 恐淪中共殖民地. (臺灣中文). 原著喺2021-05-24歸檔. 喺2021-05-24搵到.