安倍晉三

安倍晉三

安倍晉三（安倍 晋三（あべ しんぞう, 安倍 晋三^?），1954年9月21號—）係日本現任內閣總理大臣，佢係日本戰後以嚟最後生同埋第一個喺戰後出世嘅日本首相，亦係少有做過兩次首相。

仕途

• 1982年11月，擔任阿爸安倍晉太郎，當時嘅日本外務大臣即係嘅秘書官，自此進入政壇。喺政壇發展上，得到日本前首相福田赳夫同竹下登嘅大力提攜。
• 1993年7月，當選日本眾議院議員。
• 2000年7月，出任第二次森喜朗改組內閣嘅官房副長官。
• 2001年4月，續任第一次小泉純一郎內閣嘅官房副長官。
• 2002年9月，續任第一次小泉內閣（第一次改組內閣）嘅官房副長官。
• 2003年9月，小泉連任黨總裁後，接任日本自民黨幹事長。係自民黨大平正芳時代以後、二十三年以來第一位同派系幹事長。
• 2004年9月，由於日本自民黨喺參議院選舉以一席之差輸畀日本民主黨，故此辭去幹事長職，俾小泉降職做自民黨幹事長代理同黨改革推進本部長。
• 2005年10月31號，就任第三次小泉改組內閣嘅官房長官。
• 2006年9月20號，當選第21屆自民黨總裁。
• 2006年9月26號，就任第90屆內閣總理大臣。
• 2007年7月29號，日本自民黨喺參議院選舉大敗，第一次失去最大黨地位。
• 2007年9月12號，宣佈辭去日本首相。
• 2007年9月26號，辭去首相，只有一年嘅第一次安倍內閣總辭，福田康夫組閣。
• 2012年9月26號，當選第25屆自民黨總裁。
• 2012年12月16號，日本自民黨喺參議院選舉大勝，重回失落3年嘅執政地位。
• 2012年12月26號，就任第96屆內閣總理大臣。
• 2013年7月21號，日本自民黨喺參議院選舉大勝。
• 2013年12月26號，以首相身分參拜靖國神社，中國、韓國同美國都有表示失望或者憤怒。

家族

安倍晉三家族世代都係搞政治，阿公岸信介、叔公佐藤榮作都係首相，係出名嘅「一門三首相」。

• 太爺安倍彪助（第一代山口縣議員）
• 阿爺安倍寬（前眾議院議員）
• 老豆安倍晉太郎（前眾議院議員）
• 親細佬岸信夫（眾議院議員）
• 阿公岸信介（前首相）
• 叔公佐藤榮作（前首相）
• 堂叔佐藤信二（前眾議院議員）

拎

• 安倍晉三官方網頁 （日文）