野田佳彥
| 野田佳彥 | |
|---|---|
 | |
| 出世 | 1957年5月20號 日本關東千葉縣玉名郡和水町 |
| 國籍 | 日本 |
| 職業 | 民主黨第七任限衆議院議員 民主黨最高領袖 |
| 出名原因 | 第2任千葉縣議會議員 第14任財務大臣 第95任内閣總理大臣 第7、10任民主黨國會對策委員長 第九任民主黨代表 |
野田佳彥（粵拼：je5 tin4 gaai1 jim3；日文：
生平[編輯]
野田佳彥出身平民，老豆係農民嘅孻仔，後來入咗自衛隊做自衛官。阿媽本身都係農家，喺兄弟姊妹之中排最後。野田細細個已經對政治有印象，就喺佢3歲嗰年，社會黨委員長淺沼稻次郎俾極右學生刺殺，之後美國又發生甘廼迪被暗殺一事，令佢覺得政治係一份有機會攞埋條命出嚟做嘅工。
去到大學嗰時，佢走咗去讀政治學。由於佢好鍾意記者立花隆，所以佢都想做一個記者。呢個時候佢又有喺當時嘅改革右派政黨新自由俱樂部度做義工。
1979年松下政經塾成立，野田成為咗嗰度第一期嘅學生，讀到1985年畢業。野田做過好多唔同嘅工，到1987年，佢當選千葉縣議員。
1992年，佢入咗由細川護熙、小池百合子一班人搞嘅日本新黨。而且喺之後嘅眾議院選舉當選。日本新黨後來入咗新進黨，佢都有跟著。喺1996年嘅眾議院選舉，野田以105票輸咗，之後佢退出咗新進黨，並且喺1998年加入民主黨。2000年重新當選，一路就做到依家。
2011年，菅直人落台，民主黨要選人出嚟做黨代表，當時議席有5個人爭，包括有民主黨最大派系嘅大佬小澤一郎撐腰嘅海江田萬里，本身佢唔係大熱門，但係有松下政經塾嘅師弟前原誠司過票，以及吸納咗唔少反小澤嘅票，喺第二輪投票反敗為勝，成為日本首相。
2012年，民主黨喺選舉入面大敗，民主黨結束四年嘅執政。之後民主黨同維新黨合併做民進黨，野田喺嗰度最高做到幹事長。
不過民進黨唔長命，短短兩年已經分裂，野田喺分裂之下嘗試拉攏返黨入面左右兩派，喺民進黨分裂做立憲民主黨同希望之黨之下，野田兩邊都冇入，喺眾議院成立黨團「無所屬之會」，後來岡田克也加入咗立憲民主黨，野田就將黨團改名做「重建社會保障國民會議」。
2020年，重建社會保障國民會議嘅大多數議員，包括野田佳彥都加入咗新嘅立憲民主黨。