靖國神社

靖國神社一景

靖國神社（日文：靖国神社／やすくにじんじゃ），日本一神社，喺東京都千代田區。

由明治天皇所建，本身係紀念大政奉還嗰陣，爲日本捐軀嘅軍人。之後用途擴張，爲大日本帝國捐軀都收納入名冊入面，直到第二次世界大戰完爲止。以神道敎嚟講，靖國神社令到亡靈得以安息。戰後美國要求日本政敎分離，所以靖國神社由官方轉成民間團體。

靖國神社將第二次世界大戰嘅戰犯，尤其係甲級戰犯，寫落名冊入面（但係靈位同骨灰另外安置喺殉國七士廟度）。此舉惹嚟中國及南韓不時抗議，尤其係日本首相參拜嗰陣，成日會演變成外交衝突。

而內返有遊就館，係戰爭博物館，內容就畀人視爲軍國主義復辟。

名

「靖國神社」響日文嘅正寫本身應該係「靖國神社」。神社一開頭係叫「招魂社」，1879年改成依家個名。「靖國神社」嘅「靖國」出自《左傳》第6巻僖公23年秋條嘅「吾以靖國也（日文：吾以つて国を靖んずるなり）」，由明治天皇改落。

日文「靖國神社」拼音為Yasukuni Jinja。

英文譯「靖國神社」做Yasukuni Shrine；又叫War shrine（戰爭神社）。