竹下登
| 竹下登 | |
|---|---|
 | |
| 姓名原文 | 竹下登 |
| 出生日 | 1924年2月26號  |
| 出生地 | Kakeya |
| 死亡日 | 2000年6月19號 （76歲） |
| 死亡地 | Kitasato Institute Hospital (日本) |
| 死因 | 呼吸衰竭、胰臟癌 |
| 國籍 | 日本 |
| 識嘅語言 | 日文 |
| 信奉 | 佛教 |
| 母校 | 早稻田大學 |
| 職業 | 政治人 |
| 僱主 | Q11660027 |
| 政黨 | 自由民主黨 |
| 配偶 | Naoko Takeshita |
| 仔女 | Kazuko Takeshita、Maruko Takeshita |
| 阿爸 | Yūzō Takeshita |
| 兄弟姊妹 | Wataru Takeshita |
[改維基數據] | |
竹下登（日文：
生平[編輯]
竹下響島根縣飯石郡掛合村（即依家嘅雲南市）出世，係生意人竹下勇造大仔，名士竹下儀造大孫。家族生意係做釀酒，經營一間鋪「竹下酒造」。
中學時期決定唔做家族生意，改做政治人，但響升高中嗰陣考試唔合格，被逼讀第一早稻田高等學院（即依家嘅早稻田大學）。1944年正式參軍，同年娶政江做老婆。1945年阿媽病死，老豆勇造忍唔住冇老婆嘅孤單，開始騷擾政江。政江唔知點算好，諗住話畀竹下登，點知竹下反而鬧返政江轉頭，結果政江自殺。
日本二戰投降之後，竹下登返到鄉下，因為政江而同老豆反面，搬出去住。1946年再娶直子做老婆，點知直子響結婚四個月後就生仔，有人懷疑呢個仔嘅親生老豆唔係登，而係勇造，所以竹下冇當呢個仔係自己親生仔。
之後做過先生，1951年當選島根縣議會議員。1955年做眾議員高橋圓三郎嘅秘書，點知高橋響做緊期間死咗，所以就由竹下接任佢個位。竹下其中一個政治盟友係佐藤派嘅橋本登美三郎，1964年佐藤榮作做首相嗰陣，響橋本嘅推薦下竹下做咗內閣官房副長官。同時之間，佢將大女一子嫁畀前內閣副總理金丸信個仔康信。
1985年竹下帶頭反田中角榮，而田中又突然暈低，搞到田中派分裂。竹下見到後，就響1987年成立「竹下派」。同年11月做內閣總理大臣，係昭和年代最後一位首相。但響佢強行加入消費税，已經有好多人唔鍾意佢。1988年畀人爆出日本四大醜聞之一「瑞可里醜聞」，懷疑竹下收咗錢幫人哋上市，導致好多政治人都畀差人拉咗，再加上佢個秘書青木伊平突然自殺，動搖咗成個政界。最後竹下響1989年6月3號唔撈。
響唔撈首相後，都一直響政界keep住一定嘅影響力。直至1992年，佢又畀人爆同東京佐川急便事件、皇民黨事件有關，最後仲查到原來當初就係竹下收咗親家金丸信嘅錢，去封殺皇民黨。呢件事搞到自民黨嘅支持度跌得好犀利，最後要將竹下踼出黨去平息事件。同時，原先屬於竹下派嘅羽田孜另搞社會黨，竹下派影響力銳減。
1999年入院，身體開始轉差，2000年病死，終年76歲。而佢個政治飯碗就由同父異母細佬竹下亘接任。
屋企[編輯]
竹下登同前任太太政江冇仔女，同後一任太太直子有三個女，分別係大女一子、二女丸子、三女公子。其中二女丸子嫁畀竹下其中一個秘書內藤武宣，生咗一個仔一個女，分別係大女影木榮貴（原名內藤榮子）同埋大仔DAIGO（原名內藤大湖）。而三女公子就嫁畀竹中祐二。
名譽博士[編輯]
攷[編輯]
- ↑ 〈名誉博士学位批准、授予名单（截至2008年12月）〉 (XLS) (簡體中文). 中華人民共和國教育部.第51項