一樂燒鵝
1957年，朱燕森同李招娣兩公婆經營一樂冰室，賣蛋糕、菠蘿包、奶茶、紅豆冰等等。後來因為李招娣同七女生 cancer，朱燕森賣咗一樂冰室來交醫藥費。到1976年，朱家喺大埔大明里搵到鋪位重開。新嘅一樂嗰時開始由冰室轉做燒臘飯店，除咗做蛋糕同麵包之外，仲賣燒味，例如燒鵝、燒肉、叉燒。
朱家有7兄弟姊妹，其中5個都生咗阿媽遺傳嘅腦腫瘤，相繼過身。大佬朱建華話，為咗屋企人嘅醫藥費，2000年以1050萬港元賣咗大埔總店鋪位。2000年朱家分家產後，朱建華攞100萬畀四弟朱健輝喺中環租鋪創業。到2003年 SARS 疫情，朱健華以1175萬買返大埔鋪位。2018年，朱建華退休，執咗大埔總店，放售鋪位。
四弟朱健輝後生試過撈偏，不過因為賭錢而輸晒身家，唯有返香港大埔一樂總店幫佢阿爸手。2000年喺中環開鋪，2011年獲得《Michelin 指南》推介，2015至2019年都攞到 Michelin 1星。[2]
參考
[編輯]- ↑ 〈「一樂燒鵝」如何成為旅客必到的米芝蓮一星餐廳？〉。MICHELIN Guide (繁體中文)。喺2023-11-12搵到。
- ↑ 香港經濟日報HKET。〈賣燒鵝發達傳奇 大埔「一樂燒鵝」結業舖位叫價$1億 - 香港經濟日報 - TOPick - 新聞 - 社會〉。《香港經濟日報HKET》 (繁體中文)。喺2023-11-12搵到。
