冰室

出自維基百科,自由嘅百科全書
冰室出品,有一大嚿冰嘅紅豆冰

冰室,廣州話用以稱呼冷飲舖頭。係南粵一種主要售賣冷飲、雪糕及沙冰等凍嘢飲食肆,喺省城起源發跡。傳到去香港後,受英式下午茶文化影響,加上啲客仔都係勞碌工友,就演變出賣熱飲同三文治多士呢一類小食,出現埋奶茶菠蘿油

各地情況[編輯]

廣州[編輯]

廣州冰室係隨著西餐業發展而起,初頭係餐室附設嘅,因廣州氣候炎熱,多人飲水,後尾有咗獨立經營冰室嘅點檔出現。1934年據計市內共有21間冰室,到二戰後廣州冰室達到80間打上。舊日秋冬淡季陣,冰室都會兼營他業,如皇上皇冰室賣臘味,長江、喜臨門冰室就轉賣北方包點,其他仲有轉賣小食糯米飯、狗肉等[1]

廣州舊底號稱有四大冰室,包括順記冰室、美利權冰室、陽光冰室、皇上皇冰室(重有的彩冰室同埋向群冰室[2])。到今時今日,剩低順記冰室重係獨立經營(美利權冰室畀咗北京路嘅太平館西餐廳來做)[3]。陽光冰室喺1962年後開始兼營開煲狗肉,未結業前屢獲佳績,別具特色[4]

1980年以後,食品製造業新型嘅大量冷凍食品,湧入廣州冷飲市場,衝擊冰室經營,冰室陸續轉做其他食品,到1990年大部分冰室轉為賣糖水、牛奶、椰汁、蜂蜜、龜苓膏等甜品,或賣糕餅、煎餃、明火例湯、臘味糯米飯、速食飯盒、原盅燉品、雞蛋豬腳薑、小點、麵包、皮蛋瘦肉粥、蘿蔔糕、牛腩粉,到夏天少數會賣返埋雪糕、凍飲。

香港[編輯]

香港嘅冰室喺1950年代開始興起,舊時都有好多冰室,但隨住1970到80年代賣埋粉麵飯嘅茶餐廳興起,冰室已經慢慢式微,正宗嘅得返三十幾間左右。另外自2010年代中後期開始,香港有唔少新開嘅食肆打住「冰室」個名去經營,但實質上都係兼賣粉麵飯嘅茶餐廳,譬如華星冰室龍門冰室呢啲連鎖食肆。

睇埋[編輯]

參考[編輯]

  1. 廣州市志·商業卷·飲食志
  2. 飲啖茶食個包 (2016-07-28). .
  3. . 廣州青年報. 2016-05-26.
  4. . 廣州老字型大小傳奇. 原著喺2018年12月10號歸檔.