菠蘿油

出自維基百科,自由嘅百科全書
跳去導覽 跳去搵嘢
菠蘿油

菠蘿油係由菠蘿包發展出來嘅嘢食,係將菠蘿包橫向切開夾住一塊厚切嘅牛油(或奶油)所組成。菠蘿油最好嘅食法係將新鮮出爐嘅菠蘿包夾住冰凍嘅牛油,咁樣牛油就會俾菠蘿包嘅熱力影響而溶喺包身中間嘅位置,包身會俾溶化嘅牛油變成金黃色,而食嗰時菠蘿油同菠蘿包唔同嘅地方係能夠食出濃厚嘅牛油香味。但由於加咗牛油,所以菠蘿油比菠蘿包嘅脂肪膽固醇含量更會高一啲。

香港好多茶餐廳都會供應呢種嘢食配奶茶,做下午茶餐或早餐。一啲茶餐廳更會將牛油連冰粒一齊送上枱,等啲客人將牛油夾到菠蘿包嗰時仍保持喺最冰凍嘅狀態,以加強凍熱口感嘅對比。

睇埋[編輯]