一男子因素
「一男子因素」係一個香港政治術語，源於香港免費電視牌照爭議期間出現。
2013年，政府宣布香港電視網絡未能獲得牌照，香港電視網絡因而被逼解僱公司與員工，而且宣布決定前公眾對佢哋嘅節目質素有一定預期[1]，所以呢個決定引起社會嘅質疑。負責發牌事宜嘅蘇錦樑用「一籃子」因素作解釋，但並無清楚交代具體原因，並以行政會議保密制為由拒絕進一步說明。之後，網民開始用「一男子」因素嚟揶揄，指牌照事件其實係由當時嘅特首梁振英一人拍板決定，因為行政會議大部分成員對事件保持沉默或含糊回應，進一步加強咗呢個說法嘅可信度[2][3][4][5]。
之後，有啲唔鍾意梁振英嘅人，例如係公民黨嘅余德寶，亦會用呢個字眼嚟揶揄梁振英[6]。
去到2017年，蘇錦樑接受香港01訪問，就表示當時發出三個新嘅電視牌（即係包括香港電視網絡），但向行會力爭，但結果事與願違，而佢作為問責制一員，必須為政府嘅決定解畫，亦提到當時反對發三個牌嘅，就係梁振英[7]。
參考來源
[編輯]- ↑ 〈蘇錦樑：發牌不能單看市民是否喜歡某劇集〉。《Now 新聞》 (香港中文)。2013-10-16。喺2024-10-16搵到。
- ↑ 香港01 (2017-06-19)。〈【01觀點】「一男子」將成過去式 港視復活有望？〉。《香港01》 (香港中文)。喺2024-10-16搵到。
- ↑ 〈蘇錦樑〉。《香港網絡大典》 (中文)。喺2024-10-16搵到。
- ↑ 〈SUN奇古怪：SUN潮語：【一男子】〉。《太陽報》 (香港中文)。喺2024-10-16搵到。
- ↑ 审查你妹 (2013-10-23)。〈香港獨立媒體 | 維基解碼、偽術消失 —— 破斥一男子拒發電視牌的謬論〉。《中国数字时代》 (簡體中文)。喺2024-10-16搵到。
- ↑ 〈第五個電視牌照〉。
{{cite web}}: CS1 maint: url-status (link) - ↑ 陳小瑜馮巧欣 (2017-06-19)。〈【專訪】蘇錦樑離開9年熱廚房 自爆撐發3電視牌 幕前哽咽內幕〉。《香港01》 (香港中文)。喺2024-10-16搵到。