一粥麵（英文：Super Super Congee & Noodles）係香港大家樂集團一個連鎖快餐店品牌，主力賣中式嘅粥同麵。品牌喺1999年正式建立，業務前身係大家樂集團由清盤嘅超羣收購嘅快餐業務，因為呢啲舖頭主力賣粥麵，同主力賣飯餐嘅大家樂有比較大分別，所以大家樂集團決定另行開辦一個新品牌去經營，之後開設更多新舖。
