一般職系處
| 一般職系處 General Grades Office | |
|---|---|
 香港特別行政區政府機構 | |
 一般職系處標誌 | |
| 一般職系處長[a] | 陳信禧 |
| 高級首席 行政主任[b] | 馬美華 |
| 首席行政主任[c] | 樊慧玲、葉敏儀 |
| 部門資訊 | |
| 1994年 | |
| 所屬部門 | 公務員事務局 |
| 總部 |  中西區添馬添美道2號政府總部西翼7樓 |
| 聯絡資訊 | |
| 網站 | 公務員事務局 一般職系處 |
| 備註 | |
一般職系處（英文：General Grades Office, GGO）係香港政府公務員事務局嘅內部機構，負責管理行政主任、文書主任、文書助理、私人秘書等屬於一般職系嘅公務員，由首長級薪級第3點（D3）嘅一般職系處長主管，處長亦係一般職系公務員嘅職系首長，由政務職系或者行政職系出身嘅公務員出任[1]。
歷史
[編輯]一般職系公務員早期由首席助理銓敍司負責管理，之後改由同樣屬於首長級薪級第2點嘅高級首席行政主任負責管理。1993年7月，香港政府喺公務員事務科入面設立D3級嘅一般職系處長職位，作為一般職系公務員嘅職系首長，首任處長係當時嘅副公務員事務司黎蕭寶珍[2]。到咗1994年，公務員事務科正式成立一般職系處。一般職系處而家設有行政職系組、文書及秘書職系組、培訓及發展組同埋公務員考試組，負責超過三萬個一般職系公務員嘅招聘、管理同培訓。政務職系亦都屬於一般職系，但係職級高於其它一般職系（最高可以升到D8級常任秘書長），唔歸入一般職系處管理[3]。
歷任一般職系處長
[編輯]- 黎蕭寶珍 (英文：Lai Siu Po-chun, Alice)：1993年—1994年
- 何宣威 (英文：Ho Suen-wai, Francis)：1994年—1995年
- 劉國康 (英文：LAU Kwok-hong, Cletus)：1995年—2003年
- 卓永興 (英文：Cheuk Wing-hing, Warner)：2003年—2006年
- 陳念德 (英文：Chan Nim-Tak, Patrick)：2006年—2012年
- 陳炳輝 (英文：Chan Ping-fai)：2012年—2016年
- 李柏康 (英文：Li Pak-hong)：2016年—2018年
- 陳信禧 (英文：CHAN Shun-hee, Hermes)：2018年—
攷
[編輯]- ↑ 〈公務員事務局局長就加強公務員學院及一般職系處組織架構嘅開場發言〉。《香港政府新聞公報》。2023年5月9號。
- ↑ 〈一般職系職級工會於1995年6月22日有關反對由內部公開招聘「一般職系處處長」一職〉。《香港特別行政區立法會》。1995年6月22號。
- ↑ 〈一般職系處〉。《公務員事務局》。2023年11月30號。