丁蟹效應又叫做秋官效應，係香港股票市場嘅一個奇離現象。
呢個現象嘅內容，係當由香港電視演員鄭少秋（綽號「秋官」）主演嘅電視劇播出街之後，股票市場就會突然間狂瀉。從經濟理論上嚟講，呢樣嘢都係咁啱得咁巧；但係，仍有唔少人認為丁蟹效應係真有其事，甚至連跨國證券經紀里昂證券都曾經喺2004年3月為呢樣嘢發表研究報告[1]，令到呢個現象受到一啲其他國家嘅投資者認識。
