七星巖 (桂林)
七星巖（粵拼：cat1 sing1 ngaam4），又寫七星岩，又嗌棲霞洞（cai1 haa4 dung6）、仙李巖（sin1 lei5 ngaam4）、碧虛巖（bik1 heoi1 ngaam4），係中國廣西桂林一自然景觀，喺七星區嘅七星景區入面西北偏北地方。佢既係桂林八景之一，又係中國大陸最早開發遊覽同文化底蘊最深嘅岩石窿。喺中國大陸有「天下第一洞」、「第一洞天」同「神仙洞府」嘅稱呼；喺桂林八景有棲霞真境嘅名。
七星巖係道教、佛教、儒家信仰嘅緊要活動場所。曾經喺1652年，抗清名帥李定國喺呢度搞過祝捷宴會；1945年，抗日桂林保衛戰有800位國民黨將士喺窿入面打仗直到冚嗮家。
名
[編輯]個名出自附近座山——七星山。
古仔
[編輯]呢條窿原先係條地下河，但後嚟因地殼變動，令河水瀉嗮出去而成為半空巖窿，重成為人間奇跡。
概況
[編輯]個窿入面有好多嚿鐘乳石響度。有分上、中、下夾埋三層，家下凈開咗中層。其中冇開放嘅兩個部分——上層屬頂穹凈低嘅窿跡，下層屬發育緊嘅地下河。中層全遊程814米，最高27米，最闊處49米，洞入面平均氣溫20℃。其中江山多嬌部分屬景區嘅地下廳堂，最闊43m，最高10m，面積2,800幾m²。個窿入面同出面夾埋有120幾件石刻，有好多古今中外啲名人詩詞遊記手跡響度。