三笘薰

出自維基百科,自由嘅百科全書


三笘薰(日文三笘 薫みとま かおる Mitoma Kaoru */?1997年5月20日—)係日本足球員,而家踢緊英超嘅白禮頓,亦係日本國家隊成員。

職業生涯[編輯]

佢喺大分縣出世,喺神奈川縣長大,受比佢大3歲嘅哥哥影響,由幼稚園開始踢波。他由小學二年級開始正式接受訓練,後黎通過左川崎前鋒既選拔,由小學三年級開始成為川崎前鋒既U-12成員。喺U-12巴3時候,三笘同大佢一年既田中碧,三好康兒,板仓滉等一齊接受訓練,而且喺5年級,6年級既時候(隊長) 連續兩年晉級去全國少年足球大會,但分別喺八強同埋四強既時候輸俾名名古屋鯨魚U-12。

佢直到高中畢業都仲有踢波。不過,畢業佢無揀選踢職業,而係去左筑波大學讀書。

喺大學期嘅時候,佢一直用日本足協嘅特殊指定球員身份喺川崎前鋒比賽,2017賽季天皇杯第二輪同仙台維加泰嘅比賽入面,佢梅開二度,入左兩粒幫球隊攞左3分。同一年,佢入選左日本隊,而且參加了當年在台北舉辦嘅2017年夏季世界大學運動會足球比賽,成功拎到冠軍。兩年後嘅2019年,佢喺大學畢業之前,再次以學生嘅身份參加意大利拿玻利2019年夏季世界學術運動會足球比賽,並成功衛冕冠軍。

2020,大學畢業之後,三笘返去前鋒,開始左佢嘅職業生涯。喺第9輪到第11輪,他連續2場比賽都入到波,而且喺對北海道札幌岡薩多嘅比賽入面梅開二度。

2021年8月10日,英超白禮頓官方宣布,球隊正式簽左三笘薰,轉會費喺3百萬歐元。跟住嘅賽季,他會租借到比甲球隊聖基萊斯聯盟。

比利時杯第5輪,聖基萊斯聯盟對第5級聯賽球隊RC黎比克,最尾聖基萊士聯盟大勝7-0,三笘薰以正選身份射入,並16分鐘打入喺歐洲嘅第一粒。

2021年10月16日,比甲第11輪,三笘後備上陣,喺第55分鐘、第76分鐘、90分鐘進球,大演帽子戲法而且第76分鐘助攻隊友丹特·萬澤爾,幫助聖基萊斯聯盟主場反CAP瑟蘭聯4-2。

英超第14輪,喺布萊頓主場4-1擊敗車路士嘅比賽入面,三笘第一次代表布萊頓正選上陣。喺比賽嘅第5分鐘,他帶入左禁區助攻萊昂德羅·特羅薩德,幫助球隊打開紀錄。

英超第15輪,布萊頓作客3比2擊敗狼隊嘅比賽入面,三笘繼續代表布萊頓正選上陣。喺比賽第43分鐘,三笘頭錘攻門完成個人喺英超第一粒。

11月9日,英格蘭聯賽杯第三輪,布萊頓3:1擊敗阿森納。十四分鍾後備上場。第58分鐘,接應赫雷米·薩緬托嘅助攻射入一粒,第一次喺英聯杯入波。

國家隊生涯[編輯]

三笘薰參加左2020年東京奧運會。喺對墨西哥U23嘅銅牌戰中,後備上陣射入一粒。

2021年11月,三笘薰第一次俾征召入日本國家足球隊,喺2022年世界杯亞洲區第三圈外圍賽迎戰阿曼後備上陣45分鐘就交出一次助攻幫日本隊1-0打贏對手,喺2022.年3月23日對澳洲,他第二次為日本隊出場,只係用左5分鐘就射入喺國家隊嘅第一粒,用左10分鐘,就梅開二度。成功帶領日本第七次進入世界杯決賽週。

參考資料[編輯]

外部連接[編輯]