三菱Fuso巴士製造

出自維基百科,自由嘅百科全書
Jump to navigation Jump to search

三菱Fuso巴士製造(三菱ふそうバス製造株式会社)係日本富山市一間巴士製造廠,現時係三菱Fuso嘅全資附屬公司。

佢嘅前身吳羽自動車工業(呉羽自動車工業)喺1950年4月成立,當時係東洋紡織嘅附屬公司。公司初時主要為北陸地方嘅巴士公司出車身,1956年成為指定嘅三菱Fuso巴士車身製造廠。

1986年1月,公司部分股權俾三菱汽車買入,並改名為新吳羽自動車工業(新呉羽自動車工業)。1993年8月新吳羽剩低嘅股權俾三菱汽車買埋之後,公司改名為三菱自動車巴士製造(三菱自動車バス製造)。之後喺1996年三菱Fuso城市巴士生產集中晒喺三菱自動車巴士製造間廠,而客車生產亦喺1998年同樣集中晒喺度。

2003年1月,三菱自動車巴士製造同三菱Fuso一齊脫離三菱汽車。同年10月三菱自動車巴士製造改名為三菱Fuso巴士製造。

除咗巴士車身之外,三菱Fuso巴士製造喺2005年之前亦有出貨車車身。2010年三菱Rosa小巴生產由名古屋搬過嚟,自此三菱Fuso完整巴士生產由三菱Fuso巴士製造一手包辦。

出面網頁[編輯]