三項鐵人

出自維基百科,自由嘅百科全書
Jump to navigation Jump to search
三項鐵人

三項鐵人Triathlon),又叫三項全能,係由3個運動項目組成嘅比賽,多數都係游水踩單車跑步順序組成,運動員要連續咁完成三個運動項目,轉換項目嗰陣換衫同鞋嘅時間亦計算喺比賽時間之內。所以如果運動員只係擅長其中一項,並唔代表比賽裡面會佔有優勢。運動員喺進行比賽之前,需要適當咁鍛煉體能同耐力,確保每個階段都能夠順利咁完成。

三項全能喺中文世界裏面更廣泛咁稱之為「三項鐵人」。但實際上,「三項鐵人」嘅英文名(Ironman Triathlon)係「世界鐵人公司」(WTC)嘅註冊商標,只係用喺WTC舉辦嘅三項全能賽事,而且具有特定嘅賽程,可以當做三項全能嘅一種。「世界鐵人公司」嘅三項鐵人運動賽事具有好高嘅影響力同埋知名度,令「三項鐵人」成為「三項全能」嘅代名詞。