上朝，或者叫做升朝，係東亞古代宮廷政治嘅一個重要部分。官員一排排咁入朝廷彙報問題、講建言，而皇帝就喺度答。上朝又分咗做早朝、午朝同晚朝，分別喺朝頭早、中午同晏晝，係國家大事最重要嘅決策時間。
明英宗朱祁鎮好細個就繼位，嗰陣輔臣三楊決定「早朝」淨係理八事，跟住變做體制；早朝淨係要威要面，嘥晒重臣辦公嘅時間，佢嘅作用就淨係昭示君主權威同證明有啲大臣受天子恩寵又或證明邊個邊個係型式上嘅宰相咁。
而君主勤唔勤政又唔可以用上朝認唔認真做標準，上朝認真嘅君主有可能都係昏君。
