上海路 (桂林)

◀  　 上　海　路 　  ▶ SHANGHAI LU

性質： 一般馬路 全長： 東西走向：1.7km 南北走向：0.74公里 行車線： 雙向4車道 地區： 桂林市象山區 起點： 東西走向：翠竹路同環城西二、一路嘅交界 南北走向：雉山路 終點： 東西走向：灕江大橋 南北走向：龍船坪路 主要建築： 安新小區 桂林民航大廈

上海路（粵拼：soeng6 hoi2 lou6）係中國廣西桂林嘅包括咗東西走向同南北走向嘅主幹道，喺象山區。其中：

• 東西走向：西邊從翠竹路同環城西二、一路嘅交界開始，一直向東去到灕江大橋。
• 南北走向：北邊從雉山路同上海路嘅交界開始，一直向南去到龍船坪路。

佢亦係桂林唯一由城市做名嘅馬路。

名

内文：桂林製藥廠

呢條路初期屬冇乜工業區兼屬山旮旯地方，後嚟原先喺上海黄浦區嘅唐拾義製藥廠搬到廣西桂林而改名做「桂林製藥廠」。條路整闊成主幹道之後，桂林政府為咗多謝上海市政府幫手搞桂林開發而改成噉嘅名。

史

呢條路初期係條好窄嘅馬路。後嚟唐拾義製藥廠搬入，跟住桂林喺1980年代搞開發而整闊到23～32m闊度。後嚟因為太多車流搞到大塞車，桂林市政府又將呢條路搞改造，重喺2001年4～9月搞過一系列升級工程，重喺條路西邊起咗條立交橋。

敘述

• 東西走向：全長1.7km，闊26米，雙向4車道。
• 南北走向：全長740m，闊18米，雙向4車道。

經過嘅道路

東西走向

條路從西到東排，加粗嘅字係主幹道：

• 翠竹路、環城西二路、環城西一路
• 中山南路
• 雉山路、上海南路
• 民主路
• 安家路
• 安新北路（橋底穿過，冇連埋一齊）、安新南路（橋底穿過，冇連埋一齊）、灕江大橋

南北走向

條路從北到南排，加粗嘅字係主幹道：

• 上海路
• 建安路
• 龍船坪路