中華人民共和國國家安全部

出自維基百科,自由嘅百科全書
(由中共中央調查部跳轉過來)
Jump to navigation Jump to search
中華人民共和國國家安全部
中華人民共和國國家安全部徽章
總部北京東城區東長安街14號
首長陳文清(兼黨委書記)
上級中國國務院

中華人民共和國國家安全部(英文:Ministry of State Security of the People's Republic of China,簡寫MSS),係中華人民共和國嘅最大同埋最活躍嘅情報機關,主要負責情報收集同分析、出外收集情報同政治保衛中國共產黨,總部就喺北京東城區東長安街14號。

歷史[編輯]

國家安全部嘅歷史可以追朔到延安時期(1930、40年代)嘅中央人民政府人民革命軍事委員會,主席係由當時嘅中國共產黨中央委員會主席毛澤東兼任,轄下有分別管理情報部技術部聯絡部三個部,同時之間仲管埋中央人民政府情報總署軍委作戰部情報局軍委總情報部三個署。但響1953年2月29號,中國共產黨中央委員會宣佈軍事委員會大改動:軍委總情報部取消,而剩低嘅兩個署就分畀中國人民解放軍總參謀部。響1955年6月20號,中央軍委又一次宣佈大改動,中央人民政府人民革命軍事委員會解散,但就留低聯絡部,將聯絡部分畀中共中央書記處管,而聯絡部就改名叫做中共中央調查部(又叫做中共中央社會部),由康生做部長,而主管就係總理周恩來文革嗰時,調查部因為同中共黨派鬥爭有關係而被取消[1],重畀人話係「反骨仔」、「反革命」、「地下黑警公安部」,有人重要求「徹底推翻地下黑警公安部」,有45人畀中共拉咗。後嚟因為撐文革嘅康生死咗,所以調查部部長羅清長成功「翻身」,仲將調查部重新開返。後嚟調查部仲做咗全中國有史以嚟最犀利嘅情報機關之一。

1983年,當時公安部部長劉復之建議,將中共中央調查部、公安部政治保衛局、中央統戰部同埋國防科工委合體做一個部,叫做國家安全部。響同年嘅6月21號,全國人大同意咗劉復之嘅建議,仲宣佈由凌雲做第一個國家安全部部長。

歷任部長[編輯]

中共中央調查部(又叫做中共中央社會部)[編輯]

  • 康生(1939年10月—1948年)
  • 李克農(1948年5月—1962年2月 死咗)
  • 孔原(1962年11月-1967年畀人「打倒」)
  • 軍管小組嘅負責人(1967年-1969年6月)
  • 羅清長(1973年3月-1983年7月1號)

響1966年至到1973年之間畀人取消,響1973年羅清長要求重開得咗。

中華人民共和國國家安全部[編輯]

  • 凌 雲(1983年6月21號-1985年9月6號)
  • 賈春旺 總警監(1985年9月6號-1998年3月18號)
  • 許永躍 總警監(1998年3月18號-2007年8月30號)
  • 耿惠昌 總警監(2007年8月30號-2016年11月7號)
  • 陳文清 總警監(2016年11月7號-)

[編輯]

  1. "往事:解决55万人"帽子"问题的历史波折". history.sina.com.cn. 喺2020-06-01搵到.