中國四大銀行

中國四大銀行係指喺中國大陸入面4間最大嘅銀行，現時包括中國工商銀行、中國農業銀行、中國銀行同埋中國建設銀行。近年隨著中國經濟發展，佢哋喺中國大陸以外嘅金融體系都受到唔少關注。例如，中國工商銀行就係全球市值最大嘅銀行。亦有一啲說法，會將交通銀行都計埋落去，變成「中國五大銀行」、「五大國有商業銀行」或者「工農中建交」。不過，呢五間銀行，都係屬於國有大型商業銀行。