一統中國

出自維基百科,自由嘅百科全書
(由中國統一跳轉過嚟)
跳去導覽 跳去搵嘢
中華人民共和國政權(紫色)同中華民國政權(橙色)分治中國領土

一統中國係指中國所有領土由一個政權管晒。大清國亡後,民國成為唯一自稱中國嘅政權;貌合神離嘅多個軍閥始終承認歸一,唯一例外嘅中華共和國成立咗冇幾耐就玩完;大日本帝國同所謂滿洲國唔自認係中國。最新一次中國分裂,由中共造成;佢喺由民國度攞返嚟嘅大陸立個新國……之後再冇其他自稱中國嘅實質政權出現。民國大縮水,不過冇滅亡,喺一邊長久偏安。而家中國領土由中華人民共和國中華民國分治,唔屬於一統狀態。兩岸政權各自講嘅一統之道,都係要對方收皮,所有由自己納嗮。

實際操作[編輯]

由中華人民共和國嘅角度睇,按面積計,一統中國嘅事業,已經完成咗絕大部分;中共主要靠簽新條約同承認舊朝代嘅不平等條約,唔要大量被外國佔領咗或者已經宣布獨立嘅地帶(約莫有3,104,116平方公里),嚟大減叫做未統一嘅中國領土。相比之下,所謂代表舊中國朝代收服嘅失地,得啲咁多(大槪係1,222平方公里)。1962年12月26號,中共總理周恩來同蒙古人民共和國元首澤登巴爾簽訂《中蒙邊界條約》,劃定至今都冇改過嘅蒙古國界,放棄大概等於成個民國外蒙古省嘅疆域[1][2]。中共立國時,最多嘅宣稱未收復國土,由蘇維埃社會主義共和國聯盟佔據。蘇聯解體後,由俄羅斯聯邦繼承。喺由英國接收咗香港(1997年7月1號)呢笪彈丸之地之後冇幾耐,中俄領袖江澤民同葉利欽响1999年12月9號,簽訂《中華人民共和國政府和俄羅斯聯邦政府關於中俄國界線東西兩段的敘述議定書》,永久放棄大清按《璦琿條約》同《中俄北京條約》不平等條約割讓畀沙俄嘅土地[3]。2021年6月28號,中共同俄國元首習近平同普京開視像會議,為此再鄭重強調協議有效;兩國發表聯合聲明,宣布「徹底解決了歷史遺留的邊界問題,互不存在領土要求」[4]。另一個統一進展喺1999年12月20號取得——由葡萄牙道攞到澳門呢個城市仔。至今仍然有些少聲稱要收復而未到手嘅地方。

至於中華民國,而家實際管轄嘅地方甚少。然而,除咗喺1946年1月15號承認咗外蒙古獨立之外,官方並無宣布放棄立國時所公布版圖嘅任何地方[5]。以佢嘅立場睇所謂一統事業,十劃都未有一撇。

詞義謬誤[編輯]

中共民國兩個家陣自稱係中國嘅政權,所講嘅「統一」,主要指消滅同食咗對方;俾其他國佔領,同獨立咗嘅部分,尤其係北部嘅,唔係主體。

中國嘅疆域,喺大清國時最大(下段有說明),到末年失咗好多畀東西列強。之後嘅民國同中共管轄嘅中國地海,又各甩咗龐大嘅好多堀——大概成個外蒙古省由中國分裂咗出去,蒙古復國;沙俄蘇聯俄聯各攞咗好多北面地海;陸台兩個政權噏嘅「統一大計」,而家都唔再包括呢兩部分;實際行動就更加唔使講。反而,同葡萄牙英國美國日本關事嘅的咁多前大清國領土(些少島仔同城市,統統係彈丸之地),唔理係唔係攞到,中共過去同家下都好重視,成日提「回歸祖國」(大清國喪失嘅嘢最終併入中共嘅過程,理性用詞係「轉歸」,用「回歸」係個曲折離奇嘅表達方法。)至啱。民國以前在乎嘅,係「反攻大陸」,就台灣附近嘅日佔地海,近年都有細囈舉動嘅,例如試過一次咁大把,開船去釣魚台附近,攞水射日本船,話宣示民國主權喎。至於南亞幾個國今日所統治嘅前大清國領域,面積介乎前述兩類之間,中共為攞到佢哋嘅所言所行,亦然;民國就已經好耐都無理到咁遠咯。

所謂中國元朝,今日睇來,係個蒙古國嘅朝代,並當然唔係中國面積最大嘅朝代啦;大元國成立時,中國實際滅亡;大蒙古國諸汗國後來亡嗮,疆域由一大堆國家瓜分,唔少算係用嚟復國;大明國所得到嘅只佔一忽……不過,蒙古族而家擁有一個民族國家。另一方面,家下世界上並無滿族政權,滿人又幾乎全部都由中國統治;中共為主,民國為次,滿族掌管嘅大清國就算係個中國民族之一嘅政權,清朝亦順理成章,係個中國朝代。歷史科將舊朝代點歸類,會隨着當刻政治現狀改變,唔會永遠固定。

參考[編輯]

  1. https://www.cuhk.edu.hk/ics/21c/media/articles/c179-201910006.pdf
  2. https://www.cuhk.edu.hk/ics/21c/media/articles/c180-202001011.pdf
  3. "习近平成踏足中俄黑瞎子岛首位中国元首". BBC News 中文 (中文). 2016-05-25. 喺2021-06-29搵到.
  4. "習普視頻會晤領土問題一筆勾銷 中俄向西方展示合作各取所需". Radio Free Asia (英文). 喺2021-06-29搵到.
  5. 大陸委員會 (2017-11-17). "中華民國大陸委員會". 大陸委員會. 喺2021-06-29搵到.