中天新聞台

出自維基百科,自由嘅百科全書
跳去導覽 跳去搵嘢

中天新聞台旺旺中時媒體集團中天電視旗下嘅新聞頻道。1994年9月1號開播(傳訊時期)。2020年11月18號冇得到續牌,2020年12月11號牌照到期。

結束[編輯]

中天新聞台係中天電視旗下嘅電視頻道。中天電視前身係傳訊電視,創立人係于品海(後來《香港01》嘅老闆)。中天電視因為嚴重虧損,多次轉讓,最後落喺旺中集團手中。旺中集團大股東係蔡衍明

中天一向被睇成係親中。

2019年,韓國瑜競選高雄市長。期間,中天新聞台極高密度播放韓國瑜嘅新聞,唔係關於韓國瑜嘅新聞都加插韓國瑜,惹台灣公眾反感。期間,中天新聞台嘅新聞內容亦惹反感,例如話韓國瑜持咪高峰時尾指翹起,代表識得慳力,留力幫高雄打拼。[1]中天新聞亦都畀人話蔡衍明嚴重介入新聞製作。中天本嚟已經成日被投訴,由嗰時開始投訴量更增加2.7倍。

2019年6月,台灣時代力量立委黃國昌發函去台灣國家通訊傳播委員會(NCC),要求廢止中天執照。同月24號,黃國昌同網絡名人館長陳之漢喺凱達格蘭大道共同舉辦「拒絕紅色媒體、守護臺灣民主」遊行

台灣國家通訊傳播委員會(NCC)試過勸阻中天,但失敗。

不獲續牌[編輯]

內文: 中天新聞台不獲續牌事件

2020年11月18號,NCC以7:0一致否決中天新聞台續牌申請。理由係,多次違規、內控機制失靈、冇落實新聞專業同唔自律,並指明係「大股東蔡衍明先生直接、間接介入新聞台」。[2]

濕碎嘢[編輯]

由於同香港亞洲電視一樣,都先後由蔡衍明持有,所以香港有新聞媒體叫中天做「台版亞視」。[3]

參考[編輯]

  1. "台灣中天新聞台不獲續牌下月停運 曾因狂播韓國瑜被罰款". 喺2020-11-19搵到.
  2. "屢罰不改 蔡衍明涉介入製播 中天新聞台不獲續牌". 喺2020-11-19搵到.
  3. "【台版亞視熄燈】中天不獲續牌 被批老闆介入新聞 稱上訴到底". 喺2020-11-19搵到.

出面網頁[編輯]