中山1號巴士
中山巴士1號線
| ||
|---|---|---|
 中華人民共和國廣東中山巴士路線系統 | ||
| 管理資訊 | ||
| 經營者 | 中山市公共交通運輸集團有限公司 | |
| 路線用車 | ||
| 路線資訊 | ||
| 路線性質 | 來回線 | |
| 起點站 | 沙溪總站 | |
| 去程途經地點 | 隆都醫院、沙溪鎮政府、溪角、富華總站 | |
| 回程途經地點 | 富華總站、溪角、沙溪鎮政府、隆都醫院 | |
| 終點站 | 中山健康基地總站 | |
| 全程行車里數 | 31.3公里 | |
| 服務資訊 | ||
| 服務時間 | 沙溪：06:00至22:30 中山健康基地：06:00至22:30 | |
| 班次頻率 | 六至十分鐘 | |
| 全程收費 | 5.5¥ | |
中山巴士1號線，係由中山市公共交通運輸集團有限公司喺中國廣東省中山市營運緊嘅一條巴士路線，由沙溪來回中山健康基地。呢條線已經停止服務，分拆成001號同077號巴士線[1]。
背景[編輯]
- 1990年，正式開始營運1號巴士線。
- 2011年6月24號，開始有人提出要分拆呢條有成廿一年歷史嘅路線，理由就係中山巴士改革嘅推進，為咗要提升班次準時，所以要將每個月大概有七十萬人搭嘅路線分拆成三條。
- 2015年4月9號，市公交集團宣佈會將1號、205號、208號調整同分拆。
- 2015年6月28號，市公交集團正式將1號分拆成001號（興中廣場來回中山健康基地）同077號（興中廣場來回沙溪达德路）；標誌著服務咗中山市民廿五年嘅1號巴士線正式消失[1]。
資訊[編輯]
- 營運公司：中山巴士1號線係由中山市公共交通運輸集團有限公司營運。
- 頭尾站：呢條線係由沙溪來回中山健康基地。
- 服務時間：沙溪開出：06:00至22:30；中山健康基地開出：06:00至22:30。
- 班次間隔：六至十分鐘。
- 出車班次：冇資料。
路線[編輯]
| 去中山健康基地方向 | 去沙溪方向 |
|---|---|
|
|
分拆[編輯]
起因[編輯]
由於呢條線已經從1990年開始營運到2015年已經有成廿五年歷史，路線都冇點樣改過，但係乘客就係咁增加，搞到呢條線喺朝早或者晏晝呢啲返放工（學）時間超載率會去到二百四十個百分比咁多，好多乘客喺中途站都上唔到車，眼白白睇住巴士飛站[2]。
所以2011年就開始規劃1號線分拆成001號、007號同020號，001號同007號同樣都係由富華總站出車，不過中途行嘅路就分開唔同路去同一個尾站（火炬區），而020號就會行入去沙溪城區，從而可以分流去城區同新區嘅乘客[2]。
結果[編輯]
但係之後冇按全部計劃嚟實行，只係開多咗條007號，而1號就繼續保留，當時嘅市公共交通有限公司副總經理郭洋話，如果效果係好嘅，1號線就會繼續保持落去。其實喺2008年嘅《中山市中心城區常規公共交通近期改善規劃》度就已經規劃好007號巴士，要去2011年先實行嘅原因係因為中山之前重有好間巴士公司，而且一條規劃好嘅巴士線唔係即刻就開通，要慢慢續步續步嚟[2]。
去到2015年4月9號，市公交集團宣佈會將1號、205號、208號調整同分拆。而呢條線會分拆成兩條，分別係001號（興中廣場總站來回中山健康基地總站）同077號（興中廣場總站來回沙溪達德路）[3]。
2015年6月28號，市公交集團正式將1號分拆成001號（興中廣場來回中山健康基地）同077號（興中廣場來回沙溪达德路）；標誌著服務咗中山市民廿五年嘅1號巴士線正式消失[1]。
票價[編輯]
呢條線係有人喺車上賣飛兼分路程收費，上車時請自覺準備散紙。可以用現金或者中山通畀錢。
- 全程車費：5.5¥
- 中山通（普通卡、紀念卡、天翼中山通、移動中山通）：2.8¥，其餘由政府嚟畀。
- 中山通（學生卡）：2.8¥，其餘由政府嚟畀。
- 中山通（老人卡）：免費，由政府嚟畀。
- 中山通（殘疾人卡）：免費，由政府嚟畀。
- 嶺南通：5.5¥，冇政府補貼。
- 珠中澳三地聯名卡：5.2¥，其餘由政府嚟畀。
攷[編輯]
拎[編輯]
- （簡體中文）中山公交集團官網