中年好聲音3
《中年好聲音3》（英文：Midlife, Sing & Shine! 3），係香港無綫電視嘅歌唱比賽節目，《中年好聲音》第三季，由車婉婉主持。今季除咗香港賽區外，新增咗新馬賽區同大灣區賽區。
播映安排
[編輯]新馬賽區初賽《中年好聲音3之決戰新馬》喺2024年9月1號同9月8號逢禮拜日20:30到22:00喺翡翠台播出。
大灣區賽區初賽《中年好聲音3之決戰大灣區》喺9月22號同9月29號同一時段播出。
境外賽區複賽《中年好聲音3之大灣區新馬PK戰》喺10月6號同10月13號同一時段播出。
公佈一百強名單特輯《中年好聲音3之百強誕生》喺10月19號禮拜六20:30到21:00播出。
正式比賽《中年好聲音3》喺2024年10月27號開始逢禮拜日20:30到22:00播出。
賽制
[編輯]新馬賽區、大灣區賽區首先會經海選分別選出20位參賽者，然後分別選出12個代表，再由呢24個代表角逐15個到香港參賽嘅名額。而香港賽區會經海選直接選出100個參賽者。