中華印務總局
中華印務總局，香港印局之一，已執笠。由黃勝同王韜主理。印務之設，所費不菲，由香港賢達參股，並為值理。局初址不明，後尾搬去荷李活道廿九號。局創於同治十二年正月，時一八七三年。主要要務有三，印唐番書籍，出版循環日報 ，以及印告白。除此之外，亦有出售鉛字。所印書籍有唔少都出名，如王韜普法戰記、湛約翰英粤字典、鄺其照華英字典。循環日報啲人事，都由中華印務總局決定。
創立
[編輯]間局成立，或同王韜寫本普法戰記有關。辛未年六月，即一八七一年，王韜寫咗普法戰記上半。本書大受好評，有唔少抄本，香港馮明珊、 陳桂士中意依本書，有意為佢刊印。故此籌資開印局。同英華書院執咗印刷業務，亦係契機。
英華書院一八五七年結束教育業務，然印刷業務仍在。一八七一年，同治十年，英華書院印刷都停辦。書院開自倫敦傳導會傳教士馬禮遜，興辦教育兼為傳教。為傳教方便，鑄有套唐字鉛字粒同印刷機等。書院後尾一度興辦月報遐邇貫珍，王韜亦曾見識。而黃勝亦有為孖喇西報做事，並且主理其附刊中外新報，一八五三年監督英華印刷業務，亦做香港華字日報主筆，故此同印刷有好深淵源。英華書院印刷業務停辦之際，黃勝、王韜二人，合共出資一萬圓墨西哥鷹洋，購入設備。
不過開局業務，亦所費不菲。香港富人合資，開辦中華印務總局。