中華民國抗戰勝利紀念章

中華民國抗戰勝利紀念章為中華民國政府紀念對日抗戰勝利，頒畀參與對日抗戰嘅中華民國國軍官兵。呢章事超過70年二次頒贈，係中華民國勛賞之創舉。紀念章首次喺1945年10月頒發抗戰有功官兵，2015年為紀念抗戰勝利70週年再次頒贈抗戰老兵。

目的

2015年

凡1945年9月3號前入伍參與抗戰嘅國軍官兵，錄輯有案或主動申請嘅人員頒予紀念章乙座，藉以表彰國軍先烈先賢喺抗戰期間冒險犯難、出生入死、犧牲奉獻嘅偉大愛國情操。另外，對抗戰有功之民間同外籍人士，亦列入頒發之對象。

章體涵義

2015年獎章之章體同涵義，同1946年前頒抗戰勝利紀念章，只係喺色澤上微調。紀念章為「襟授」式，緞帶外側至內為紅藍黃三色，中置中華民國國徽。章體之外觀，下方為象徵七七事變嘅盧溝橋，上方有一面中華民國國旗及當時領導抗戰嘅中國國民黨黨旗，中間為當時國民政府主席兼國民政府軍事委員會委員長兼中國國民黨總裁蔣中正，主要係紀念由蔣中正帶領國軍對日抗戰勝利戰果。