中華英雄

出自維基百科,自由嘅百科全書
華英雄像,攝於香港漫畫星光大道(2023-01-20)

中華英雄》係由香港漫畫家馬榮成所編繪嘅武打漫畫,由前身為玉郎機構文化傳信集團所出版,最初喺漫畫報刊《金報》及《生報》中連載。八十年代同玉郎機構嘅《龍虎門》、《醉拳》、《如來神掌》合稱四大名著。

呢本書喺香港漫畫出版史上創下咗一期銷售20萬本嘅佳績,以一本香港漫畫來說,係前無古人,後無來者嘅成績,係馬榮成嘅成名作。1989年元旦日馬榮成遇襲手部受傷,曾經休刊近半年,之後馬榮成1989年2月約滿後,離開文化傳信,自立門戶成立天下出版後,故事改由其他人編繪,由於畫功質素嘅改變,銷量已大跌,但仍然一直出版至1995年才停刊,最後一期係第371期。

改編電視劇[編輯]

內文:中華英雄 (1990年電視劇)中華英雄之中華傲訣中華英雄 (2004年電視劇)

《中華英雄》被香港亞洲電視改編為電視劇,分別為1990年嘅中華英雄同1991年嘅《中華英雄之中華傲訣》,由張建偉導演,何家勁(華英雄)、羅頌華(華劍雄)、關詠荷(華文英,瓊天)、尹天照(司徒莫問)、葉玉卿(紫衣、陳潔瑜)、楊澤霖(無敵)、高雄(撒旦將軍)、洪志成(鬼僕)、楊嘉樂(羅漢)、連偉健(元武)、龐秋雁(思傲)、麥麗紅(木子)、苑瓊丹(命煞)、袁潔瑩(水千面)等演員主演,1990年首播,2007年重播,2009年重播。

喺2004年再有一套改編嘅中華英雄電視劇,由鄧衍成執導,程小東擔當動作指導,由何潤東(華英雄)、安以軒(華文英、陳潔瑜)、方中信(無敵)、藍正龍秦嵐(木修羅)同馮紹峰(力千鈞)、陳冠霖(金太保)主演。

改編電影[編輯]

內文:中華英雄 (1999年電影)

根據呢本漫畫嚟改編而成嘅中華英雄電影於1999年公映,由劉偉強導演,鄭伊健(華英雄)、謝霆鋒(華劍雄)、楊恭如(陳潔瑜)、舒淇(木修羅)、吳鎮宇(無敵)等人主演。

電影故事內容由鄭伊健所飾演主角華英雄一對仔女失散,主角本身被賣豬仔美國開始,並以由吳鎮宇所飾演嘅無敵被華英雄擊敗後作結。

該主題曲係鄭伊健主唱,香港歌名:天煞孤星,台灣歌名:天涯海角。

改編網絡遊戲[編輯]

內文:中華英雄Online

[編輯]