中途宿舍 (懲教署)
懲教署中途宿舍（英文：Halfway house）目的係畀在囚人士喺離開懲教院所之後，喺度暫住一段時期，令到佢哋可以逐漸適應社會生活。
功能[編輯]
中途宿舍計劃係勞教中心、教導所、戒毒所同監獄提供嘅更生計劃嘅延續。有需要接受監管嘅人，例如遇到居住困難或需要接受嚴密監管，就會安排佢哋入住適合嘅中途宿舍。期間，佢哋會喺日間出去返工或返學，夜晚就要返去宿舍。呢個計劃目的係提供一個井井有條同充份支持嘅環境，培養宿員自律嘅精神同積極嘅工作習慣。入住期視乎個別人士嘅需要同進度而定。週末同假期通常會批准佢哋出去探訪家人或朋友，以便融入社會。宿舍亦鼓勵家人同朋友來探訪，以建立同加強佢哋對宿員嘅支持，可以幫助宿員改過自新。