九黎
九黎族係中國上古時期嘅一個部落，族群人口分布於黃河流域一帶。佢哋係百越祖先同蚩尤嘅後代，因此又稱「黎」。
簡介
[編輯]蚩尤係九黎部落聯盟嘅阿頭，有八十一個手足兄弟都係九黎酋長[註 1]。佢哋信奉巫教，掌握文化嘅人叫做「巫」；事奉鬼神，而且有刑法，可以用銅造兵器。呢啲文化對於之後嘅華夏部族有好大影響。
黃帝同蚩尤響涿鹿之戰因九黎失敗結束。九黎經過長期鬥爭，一部分喺北方建立黎國，然之後輸咗畀周朝（西伯勘黎）；一部分參加咗黃炎部落聯盟，即係「黎民」，成為華夏族；另一部分退去到南方江漢流域，建立三苗。
後裔
[編輯]根據春秋戰國時期嘅歷史古書紀錄顯示，三苗係出自九黎之後，係南方最原始嘅部落。佢哋係百越、苗族同埋南方部分漢族嘅先民。
睇埋
[編輯]註
[編輯]- ↑ 《史記·五帝本紀·集解》孔安國曰：“九黎君號蚩尤。”《國語·楚語》：“九黎，蚩尤之徒也。”《書·呂刑釋文》、《吕氏春秋·蕩兵》、《戰國策》高誘註，都話蚩尤係九黎之君，所以稱之為“蚩尤九黎”或者係“九黎蚩尤”。
