二進制格式

出自維基百科,自由嘅百科全書

所謂二進制格式,喺講及電腦內部嘅資料儲存方式嗰陣,係泛指任何唔係純文字格式嘅嘢,其實係種非常籠統嘅概念。

舉例,叫一個電腦檔案做二進制,係指檔案嘅內容睇落似亂碼,要用特別嘅軟件先睇到,又或者要用特別嘅軟件先可以改,唔係就會整壞個檔案;又或者,叫一個執行檔做二進制,係指個執行檔入面嘅係機械語言(或者位元組碼)而唔係源碼。總之就唔可以就咁開lei4睇、開來改。

數值嘅表示係可能唯一一種真係可以叫二進制嘅嘢,例如,200 ji1個數值,如果係純文字,再如果係 ASCII 或者兼容嘅某種內碼,表示出來就會係十六進制嘅 32 30 30,但係如果係二進制,再如果係單個位元組,就會係單一數值 c8(十六進制;即係二進制 11001000,亦即係十進制 200),而所謂 「二進制」 就係指爾種內部嘅表示方式。如果將爾個表示方式當文字夾硬就咁睇,再如果用嘅編碼係 ISO 8859-1,出來就會係 È[註 1],睇落似亂碼。所謂二進制檔案入面,好多時會用爾類內部形式表示數值,所以個檔案亦一定會睇落似亂碼。

喺某啲作業系統(例如微軟嗰啲),程式寫純文字檔案同寫 「二進制格式」 檔案會有分別,好多時牽涉到 「換行」(newline字元點樣處理。

[編輯]

  1. c8 喺 ASCII 並唔存在;喺統一碼UTF-8 形式,c8 就唔可能單獨出現,夾硬睇會視乎字型,出空格或者一個表示 「冇咁嘅嘢」 嘅符號