亞證地產有限公司，簡稱亞證地產（英文：Asiasec Properties Limited，港交所：00271），喺1973年成立，主要經營物業同股票投資等嘅行業，舊名叫「伊人置業有限公司」。
1986年，公司畀人稱「公司醫生」嘅韋理睇中，收購咗佢成為旗下公司，改名亞洲證券。到1991年，亞證畀李明治嘅聯合集團收購，但喺1993年，轉手畀民營企業家戴小明，亦係死鬼龔如心當時轄下資產部份，再喺1998年，改名丹楓控股。
到2016年，聯合集團旗下嘅天安中國又再入主呢間公司，將公司個名改返做依家嘅亞證地產。
